କଣାସରେ ବନ୍ୟାସ୍ଥିତି ଗମ୍ଭୀର, ସ୍ଥିତି ସମୀକ୍ଷା କଲେ ବିଭାଗୀୟ ମନ୍ତ୍ରୀ

ପୁରୀ: ଜିଲ୍ଲାରେ ବନ୍ୟାସ୍ଥିତି ସଙ୍ଗୀନ ରହିଛି । ଏନେଇ ପ୍ରଭାବିତ ଅଞ୍ଚଳକୁ ଶୁକ୍ରବାର ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ପ୍ରମିଳା ମଲ୍ଲିକ ପରିଦର୍ଶନ କରିଛନ୍ତି । କଣାସ ବ୍ଲକର ବିଭିନ୍ନ ପଞ୍ଚାୟତର ବନ୍ୟା ସ୍ଥିତିର ସମୀକ୍ଷା କରିଛନ୍ତି । ସମସ୍ତ ଅଞ୍ଚଳ ପରିଦର୍ଶନ କରି ଅସ୍ଥାୟୀ ବନ୍ୟା ଆଶ୍ରୟ ସ୍ଥଳୀରେ ଥିବା ଲୋକଙ୍କ ସହ ଆଲୋଚନା କରିଥିଲେ । ବନ୍ୟା ବିପନ୍ନଙ୍କ ନିକଟରେ ଆବଶ୍ୟକୀୟ ସରକାରୀ ସୁବିଧା ଉପଲବ୍ଧ ହୋଇଛି କି ନାହିଁ ତାହା ଅନୁଧ୍ୟାନ ମଧ୍ୟ କରିଥିଲେ । ଏହାସହ ସେମାନଙ୍କ ସୁରକ୍ଷା ବ୍ୟବସ୍ଥା ସୁନିଶ୍ଚିତ କରିବା ନିମନ୍ତେ ପ୍ରଶାସନିକ ଅଧିକାରୀଙ୍କ ସହିତ ଆଲୋଚନା କରିଛନ୍ତି । ‘‘ ସାହସ ଓ ଧୈର୍ଯ୍ୟର ସହ ରୁହିବାକୁ ଲୋକମାନଙ୍କୁ ନିବେଦନ କରିଛନ୍ତି । ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପ୍ରକାର ପଦକ୍ଷେପ ନିଆଯାଇଛି । ଶୁଖିଲା ଖାଦ୍ୟ, ରନ୍ଧା ଖାଦ୍ୟ, ପାଣି,ପଲିଥିନ, ମେଡିସିନ ସବୁର ବ୍ୟବସ୍ଥା କରାଯାଉଛି ବୋଲି ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି’’।