ହର୍ଷୋଲ୍ଲାସରେ ପାଳନ ହେଉଛି ରଜ

ଢେଙ୍କାନାଳ: ପହିଲି ରଜ ପରେ ଆଜି(ବୁଧବାର) ହଉଛି ରଜ ସଂକ୍ରାନ୍ତି । ପୁରପଲ୍ଲୀରେ ସବୁଠି ଚାଲିଛି ରଜର ଆସର । ଢେଙ୍କାନାଳ ଜିଲ୍ଲା ଓଡ଼ାପଡା ବ୍ଲକ ଅନ୍ତର୍ଗତ ବଳରାମପୁର ଗ୍ରାମରେ ବେଶ ଆନନ୍ଦର ସହ ଝିଅ ବୋହୂମାନେ ରଜ ପାଳିଛନ୍ତି । ସକାଳୁ ଗାଧୁଆ ସାରି ପିଠା ଖାଇ ନୂଆ ଡ୍ରେସ ପିନ୍ଧି ରଜ ଗୀତ ଗାଇ ଦୋଳି ଖେଳିଛନ୍ତି । ଘରେ ଘରେ ପିଠାପଣାର ଆସର ସାଙ୍ଗକୁ ଗାଁ ତୋଟା ଆମ୍ବଗଛ ଦୋଳି ମୂଳରେ ସାଙ୍ଗସାଥୀଙ୍କ ମେଳ ଦେଖିବାକୁ ମିଳିଛି । ଏହି ଗଣ ପର୍ବ ରଜକୁ ତିନିଦିନ ଧରି ଆନନ୍ଦ ଉଲ୍ଲାସର ସହ ସଭିଏଁ ପାଳନ କରିଥାନ୍ତି ।