ଓଡିଶା ନାଭାଲ ୟୁନିଟ୍‌ NCC ପକ୍ଷରୁ ବ୍ରହ୍ମପୁରରେ ତ୍ରିରଙ୍ଗା ଯାତ୍ରା

ସ୍ବାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଦେଶ ପାଳୁଛି ଆଜାଦି କା ଅମୃତ ମହୋତ୍ସବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନ କ୍ରମେ ଆଜିଠାରୁ ଦେଶରେ ଆରମ୍ଭ ହୋଇଛି ହର ଘର ତ୍ରିରଙ୍ଗା ଅଭିଯାନ । ଏହି ଅବସରରେ ବ୍ରହ୍ମପୁରରେ ପ୍ରଥମ ଓଡିଶା ନେଭାଲ ଏନସିସି ପକ୍ଷରୁ ତ୍ରିରଙ୍ଗା ଶୋଭାଯାତ୍ରା କରାଯାଇଛି । ସହରର NCC ଗ୍ରୁଫ୍ ହେଡକ୍ବାଟରରୁ ଶୋଭାଯାତ୍ରା ବାହାରି ସହର ପରିକ୍ରମା କରିଛି । ମୁଖ୍ୟ ଅତିଥି ଭାବେ ଖଲ୍ଲିକୋଟ ଏକକ ବିଶ୍ବବିଦ୍ୟାଳୟର କୁଳପତି ପ୍ରଫେସର ପ୍ରଫୁଲ୍ଲ କୁମାର ମହାନ୍ତି ଯୋଗ ଦେଇ ଜାତିର ପିତା ମହାତ୍ମା ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଆହ୍ବାନ କରିଛନ୍ତି । ପ୍ରଥମ ଓଡ଼ିଆ ନେଭାଲ ୟୁନିଟ୍ ଏନସିସିର କମାଣ୍ଡିଙ୍ଗ୍ ଅଫିସର, ଜାତୀୟ ସମର ଶିକ୍ଷାର୍ଥୀ ବାହିନୀର ଜୁନିୟର ଓ ସିନିୟର ଡିଭିଜନର କ୍ୟାଡେଟ ଓ ଏନସିସି ଅଫିସରମାନେ ଏଥିରେ ସାମିଲ ହୋଇଛନ୍ତି । ସେମାନଙ୍କ ସହ ଅଧିକ ଆଲୋଚନା କରିଛନ୍ତି ଆମ ବ୍ରହ୍ମପୁର ସମ୍ବାଦଦାତା । ଇଟିଭି ଭାରତ, ବ୍ରହ୍ମପୁର