ପୁଣି ଭିଡିଓ ଜାରିକଲେ ଅନୁଭବ, ବର୍ଷାଙ୍କୁ ୩ଟି ଚ୍ୟାଲେଞ୍ଜ

ଭୁବନେଶ୍ବର: ପାର୍ଟ ୧, ପାର୍ଟ ୨ ପରେ ଏବେ ପାର୍ଟ ୩ ଭିଡିଓ ଜାରି କରିଛନ୍ତି ସାଂସଦ ଅନୁଭବ ମହାନ୍ତି । ପତ୍ନୀଙ୍କ ସହ ବ୍ୟକ୍ତିଗତ ଜୀବନ ବିବାଦ ଅଧିକ ବଢିବାରେ ଲାଗିଥିବାବେଳେ ପୁଣି ଏକ ଭିଡିଓ ଜାରି କରିଛନ୍ତି ଅନୁଭବ । ଏଥିରେ ମଧ୍ୟ ଗଣମାଧ୍ୟମ ଓ ପତ୍ନୀଙ୍କୁ ପୁନର୍ବାର ଟାର୍ଗେଟ କରିଛନ୍ତି ଅନୁଭବ । ପୂର୍ବରୁ ସୋସିଆଲ ମିଡ଼ିଆରେ ଜାରି ହୋଇଥିବା ଭିଡିଓକୁ ନେଇ ବର୍ଷା ପୁରୀ ଘାଟ ଥାନାରେ ଏତଲା ଦେଇଥିଲେ । ସେହି ମାମଲାର ଆଜି ଶୁଣାଣୀ ଥିବା ବେଳେ, ଏହାପୂର୍ବରୁ ଆଉ ଏକ 40 ମିନିଟର ନୂଆ ଭିଡିଓ ବିଳମ୍ବିତ ରାତିରେ ଜାରି କରିଛନ୍ତି ଅନୁଭବ । ବ୍ୟକ୍ତିଗତ ଜୀବନକୁ ନେଇ ଏମିତି କେବେ ଭିଡିଓ ଜାରି କରିବାକୁ ମୁଁ ଭାବିନଥିଲି ବୋଲି କହିଛନ୍ତି ଅନୁଭବ । ତେବେ ଜାରି ହୋଇଥିବା ଭିଡିଓରେ ବର୍ଷାଙ୍କୁ ସେ ୩ଟି ଚ୍ୟାଲେଞ୍ଜ କରିଛନ୍ତି । ମେଡିକାଲ ଟେଷ୍ଟ, ଫରେନସିକ ଲ୍ୟାବରେ ଅଡିଓ ଟେଷ୍ଟ ଓ ପରଲିଗ୍ରାପ ଟେଷ୍ଟ କରିବାକୁ କହିଛନ୍ତ ଅନୁଭବ । ଏହି ଚ୍ୟାଲେଞ୍ଜକୁ ଗ୍ରହଣ କରିବା ପାଇଁ ମଧ୍ୟ ଅନୁରୋଧ କରିଛନ୍ତି । ବର୍ଷା ଓ ତାଙ୍କ ସମ୍ପର୍କକୁ ନେଇ ଗଣମାଧ୍ୟମ ତାଙ୍କୁ ଖଳନାୟକ ରୂପରେ ସଜେଇ ଦିଆଯାଇଥିବା ମଧ୍ୟ ସେ ଅଭିଯୋଗ କରିଛନ୍ତି । ପ୍ରକୃତ ସତ କଣ କିଛିଦିନ ହେବ ମୁଁ କହିବା ଆରମ୍ଭ କରିଛି । ଏଥିପାଇଁ ତମକୁ ଧୈର୍ଯ୍ୟ ଧରିବା ଉଚିତ ବୋଲି କହିଛନ୍ତି ଅନୁଭବ । ଏଥିସହ ଏହି ଭିଡିଓରେ ସେ ବର୍ଷାଙ୍କ ଆଧାରକାର୍ଡ, ପାନ କାର୍ଡ ଓ ସାର୍ଟିଫିକେଟରେ ଥିବା ନାମକୁ ନେଇ ମଧ୍ୟ ତାଳ ମେଳ ନଥିବା କହିଛନ୍ତି । ବର୍ଷା କରିଥିବା ପାସପୋର୍ଟ ମଧ୍ୟ ମିଛ ବୋଲି ସେ କହିଛନ୍ତି । ପୂର୍ବରୁ ବର୍ଷାଙ୍କ ଯେଉଁ ଅଡିଓ ଭାଇରାଲ ହୋଇଥିଲା ସେନେଇ ମଧ୍ୟ ମୁହଁ ଖୋଲିଛନ୍ତି ଅନୁଭବ । ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ