ନୂଆଦିଲ୍ଲୀ: ବଜେଟ ଅଧିବେଶନ ପୂର୍ବରୁ ଦେଶକୁ ସମ୍ବୋଧନ କଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ବଜେଟ ପୂର୍ବରୁ ଅଭିଭାଷଣ ରଖିଲେ ରାଷ୍ଟ୍ରପତି । ସମ୍ବିଧାନର 75 ବର୍ଷ ପୂରଣ ଅବସରରେ ରାଷ୍ଟ୍ରପତି ଅଭିନନ୍ଦନ ଜଣାଇଛନ୍ତି । ବଜେଟ ଅଭିଭାଷଣ ଆରମ୍ଭରୁ ପ୍ରୟାଗରାଜ ମହାକୁମ୍ଭ ମେଳା କଥା ଉଠାଇଲେ ରାଷ୍ଟ୍ରପତି। ମହାକୁମ୍ଭ ଦଳାଟକଟା ଘଟଣାରେ ମୃତକଙ୍କ ପରିବାର ପ୍ରତି ସମବେଦନା ଜଣାଇଲେ ମ୍ୟାଡାମ ମୁର୍ମୁ ।
- ରାଷ୍ଟ୍ରପତି ମୁର୍ମୁ ସୁଦୃଢ ଅର୍ଥବ୍ୟବସ୍ଥାକୁ ପ୍ରଶଂସା କଲେ
ସଂସଦରେ ଉଭୟ ଗୃହକୁ ସମ୍ଭୋଧିତ କରି ରାଷ୍ଟ୍ରପତି ପ୍ରଥମେ ସରକାରଙ୍କ ଏଆଇ ଯୋଜନାରେ ଚର୍ଚ୍ଚା କରିଛନ୍ତି । ସେ କହିଛନ୍ତି ‘‘ଆର୍ଟିଫିସିଈଲ ଉଣ୍ଟେଲିଜେନ୍ସ କ୍ଷେତ୍ରରେ ଭାରତର ଯୋଗଦନ ଆଗକୁ ବଢାଇ ‘‘ଭାରତ ଏଆଇ ମିଶନ’ ଆରମ୍ଭ କରିଛି । ଜାତୀୟ କ୍ବାଣ୍ଟମ ମିଶନ ସହ ଭାରତ ଏହି ଅଗ୍ରଣୀ ଉଦ୍ଦ୍ୟୋଗିକ ଦୁନିଆରେ ଅଗ୍ରଣୀ ଦେଶ ମାନଙ୍କ ମଧ୍ୟରେ ନିଜ ସ୍ଥାନ ତିଆରି କରିପାରିବ । କୋଭିଡ ଓ ଏହା ପରର ସ୍ଥିତି ଏବଂ ଯୁଦ୍ଧ ଭଳି ବୈଶ୍ବିକ ଚିନ୍ତା ସତ୍ତ୍ବେ ଭାରତୀୟ ଅର୍ଥବ୍ୟବସ୍ଥା ଯେଉଁ ସ୍ଥିରତା ଦେଖାଇଛି ତାହା ଏହାର ଦୃଢତାର ପ୍ରମାଣ ଅଟେ । ମୋ ସରକାର ବ୍ୟବସାୟ ବୃଦ୍ଧି ପାଇଁ ଅନେକ ଗୁରୁତ୍ବପୂର୍ଣ୍ଣ ପଦକ୍ଷେପ ନେଇଛନ୍ତି’’ ।
President Murmu says, " today, india is making its presence felt as a major global player in the field of digital technology...developed nations of the world are also impressed with the success of india's upi transactions system...my government has used digital technology as a… pic.twitter.com/1KaaGuZDp7
— ANI (@ANI) January 31, 2025
- ଯୁବପିଢି ଓ ଶିକ୍ଷା ଯୋଜନାର ଆଲୋକପାତ
ରାଷ୍ଟ୍ରପତି ମୁର୍ମୁ ନିଜ ସମ୍ବୋଧନରେ କହିଛନ୍ତି ‘‘ଆଜି ଆମର ଯୁବପିଢି ଷ୍ଟାର୍ଟଅପ, ଖେଳ ଠୁ ନେଇ ମହାକାଶ ପର୍ଯ୍ୟନ୍ତ ସବୁଠି ଦେଶର ନାଁ ରଖିଛନ୍ତି । ମାଇଁ ଭାରତ ପୋର୍ଟାଲ ମାଧ୍ୟମରେ ଲକ୍ଷଲକ୍ଷ ଯୁବକ ରାଷ୍ଟ୍ର ନିର୍ମାଣ କାମରେ ନିଜକୁ ସାମିଲ କରିଛନ୍ତି । ମୁର୍ମୁ କହିଛନ୍ତି ମୋ ସରକାର ଜାତୀୟ ଶିକ୍ଷା ନୀତି ମାଧ୍ୟମରେ ଛାତ୍ରଙ୍କ ପାଇଁ ଏକ ଆଧୁନିକ ଶିକ୍ଷା ପ୍ରଣାଳୀକୁ ପ୍ରସ୍ତୁତ କରିଛନ୍ତି । ଯେମିତି କି କେହି ବି ଶିକ୍ଷାରୁ ବଞ୍ଚିତ ନ ହେବେ ଏଥିପାଇଁ ମାତୃଭାଷାରେ ଶିକ୍ଷାର ଅବସର ପ୍ରଦାନ କରାଯାଉଛି । ସେ କହିଛନ୍ତି 13ଟି ଭାରତୀୟ ଭାଷାରେ ବିବିନ୍ନ ପରୀକ୍ଷା ଆୟୋଜିତ କରି ଭାଷାର ବାଧାକୁ ଦୂର କରିବା ପାଇଁ ସରକାର ସମସ୍ତ ବ୍ୟବସ୍ଥା କରିଛନ୍ତି । ଅଲମ୍ପିକ ହେଉ କି ପାରାଅଲମ୍ପିକ ଭାରତୀୟ ଟିମ ପ୍ରତି ଜାଗାରେ ଭଲ ପ୍ରଦର୍ଶନ କରିଛି । ଫିଟ ଇଣ୍ଡିଆ ମୁମେଣ୍ଟ ଚଳାଇ ଆମେ ମଜବୁତ ଯୁବଶକ୍ତି ପ୍ରସ୍ତୁତ କରୁଛୁ ’’।
ସଂସଦରେ ଉଭୟ ଗୃହକୁ ସମ୍ବୋଧନ କରି ରାଷ୍ଟ୍ରପତି କହିଛନ୍ତି ‘‘ଏବେ ଆମର ଗୋଟିଏ ଲକ୍ଷ୍ୟ। ଆମେ ବିକଶିତ ଭାରତ ତିଆରି କରିବୁ’’ ।
Addressing a joint sitting of Parliament, President Murmu says, " we have only one aim to become viksit bharat." pic.twitter.com/U3GNjls2eS
— ANI (@ANI) January 31, 2025
- ମହିଳା ସଶକ୍ତିକରଣ ପାଇଁ ସରକାରଙ୍କ ଯୋଜନାକୁ ପ୍ରଶଂସା
ନିଜ ସମ୍ବୋଧନରେ ରାଷ୍ଟ୍ରପତି ନାରି ଶକ୍ତି ଉପରେ ଧ୍ୟାନ କେନ୍ଦ୍ରିତ କରିଛନ୍ତି । ସେ କହିଛନ୍ତି ‘‘ମୋ ସରକାର ମହିଳାଙ୍କ ନେତୃତ୍ବରେ ଦେଶକୁ ସଶକ୍ତ କରିବାରେ ବିଶ୍ବାସ କରେ । ଅର୍ଥାତ ମହିଳାଙ୍କ ନେତୃତ୍ବରେ ବିକାଶ । ନାରୀ ଶକ୍ତିର ପ୍ରସାର ପାଇଁ ଲୋକସଭା ଓ ବିଧାନସଙାରେ ମହିଳାଙ୍କ ସଂରକ୍ଷଣ ବ୍ୟବସ୍ଥା ଏହି ଦେଶର ଏକ ମହତ୍ତ୍ବପୂର୍ଣ୍ଣ ପଦକ୍ଷେପ । ଗ୍ରାମୀଣ ଜୀବିକା ମିଶନ ଦ୍ବାରା 91 ଲକ୍ଷରୁ ଅଧିକ ସ୍ବୟଂ ସହାୟତା ସମୂହକୁ ସଶକ୍ତ କରାଯାଉଛି । ଦେଶର ଦଶ କୋଟିରୁ ଅଧିକ ମହିଳାଙ୍କୁ ଏଥିରେ ଯୋଡା ଯାଇଛି । ବ୍ୟାଙ୍କ ଲିଙ୍କ ମାଧ୍ୟମରେ ତାଙ୍କୁ 9 ଲକ୍ଷ କୋଟିରୁ ଅଧିକ ଟଙ୍କା ବଣ୍ଟା ଯାଇଛି । ଆମର ବ୍ୟାଙ୍କିଂ ଓ ଡିଜି ପେମେଣ୍ଟ ବ୍ୟବସ୍ଥା ଲୋକଙ୍କୁ ବିତ୍ତୀୟ ପ୍ରଣାଳୀରେ ଯୋଡିବା ପାଇଁ ମହତ୍ତ୍ବପୂର୍ଣ୍ଣ ଭୂମିକା ଗ୍ରହଣ କରୁଛି । କୃଷି ସଖୀଙ୍କ ମାଧ୍ୟମରେ ଚାଷକୁ ଗୁରୁତ୍ବ ଦିଆଯିବା ସହ ପଶୁ ସଖୀଙ୍କ ଦ୍ବାରା ପଶୁଧନକୁ ମଜବୁତ କରାଯାଉଛି । ଡ୍ରୋନ ଦିଦି ଯୋଜନା ମହିଳାଙ୍କୁ ଆର୍ଥିକ ଓ ଟେକ୍ନୋଲୋଜିରେ ସଶକ୍ତିକରଣର ମାଧ୍ୟମ ସାଜିଛି’’ ।
- ପ୍ରତିରକ୍ଷା ଓ ଆନ୍ତରିକ ସୁରକ୍ଷାକୁ ସୁନିଶ୍ଚିତ କରିବା ପାଇଁ ଐତିହାସିକ ପଦକ୍ଷେପ
ରାଷ୍ଟ୍ରପତି ମୁର୍ମୁ କହିଛନ୍ତି ‘‘ଦେଶ ସୀମାର ସୁରକ୍ଷା ଓ ଆନ୍ତରିକ ସୁରକ୍ଷା ସୁନିଶ୍ଚିତ କରିବା ପାଇଁ ଐତିହାସିକ ପଦକ୍ଷେପ ମାନ ଉଠାଯାଇଛି । ସରକାର ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରତା ଦିଗରେ ବି ପଦକ୍ଷେପ ନେଇଛନ୍ତି । ମେକ ଇନ ଇଣ୍ଡିଆରୁ ଆମେ ମେକ୍ ଫର୍ ଦ ୱାର୍ଲଡ ଆଡକୁ ବଢୁଛୁ ’’।
President Murmu says, " the country has taken several historic steps to protect the country's borders and ensure internal security....the govt has also taken steps towards self-reliance in the defence sector. from make in india, we have moved to make for the world..." pic.twitter.com/B1ELcDTeSu
— ANI (@ANI) January 31, 2025
- ମେଟ୍ରୋ ରେଳ ନେଟୱର୍କ ଏକ ହଜାର କିଲୋମିଟର ଅତିକ୍ରମ
ରାଷ୍ଟ୍ରପତି ମୁର୍ମୁ କହିଛନ୍ତି ଭାରତର ମେଟ୍ରୋ ରେଳ ନେଟୱର୍କ ବର୍ତ୍ତମାନ ସୁଦ୍ଧା ଏକ ହଜାର କିଲୋମିଟର ରାସ୍ତା ଅତିକ୍ରମ କରିସାରିଲାଣି । ଦୁନିଆରେ ଭାରତ ତୃତୀୟ ସବୁଠାରୁ ବଡ ନେଟୱର୍କ ସାଜିଛି । ରାଷ୍ଟ୍ରପତି ମୁର୍ମୁ କହିଛନ୍ତି ‘‘ଉଧମପୁର-ଶ୍ରୀନଗର-ବାରାମୁଲ୍ଲା ରେଳ ଲିଙ୍କ ପରିଯୋଜନା ସ୍ବପ୍ନ ପୂରଣ ହୋଇଛି । ଏବେ ଦେଶରେ କଶ୍ମୀର ଠୁ କନ୍ୟାକୁମାରୀ ପର୍ଯ୍ୟନ୍ତ ରେଳ ସଂଯୋଗ ହେବ । ଏହି ମହତ୍ତ୍ବାକାଂକ୍ଷୀ ପରିଯୋଜନା ଦ୍ବାରା ଚିନାବ ବ୍ରିଜର ନିର୍ମାଣ କରାଯାଇଛି। ଯାହାକି ଦୁନିଆର ସବୁଠାରୁ ଉଚ୍ଚ ରେଳ ଓଭରବ୍ରିଜ ଅଟେ’’ ।
" india's metro rail network has now crossed the 1000-kilometre milestone. india has the world's third-largest metro network, says president murmu. pic.twitter.com/VbLDQV2FM3
— ANI (@ANI) January 31, 2025
