Minister School Visit: ଶୌଚାଳୟ ସଫା କଲେ ପର୍ଯ୍ୟଟନ ମନ୍ତ୍ରୀ

ବାଲେଶ୍ବର: ବିଦ୍ୟାଳୟ ପରିଦର୍ଶନରେ ଯାଇଥିବା ବେଳେ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଶୌଚାଳୟ ଅପରିଷ୍କାର ହୋଇଥିବା ଦେଖି ନିଜେ ଝାଡୁ ଧରି ସଫା କରିଥିବା ଦେଖିବାକୁ ମିଳିଛି । ବାଲେଶ୍ଵର ଜିଲ୍ଲା ଖଇରା ଉଚ୍ଚ ବିଦ୍ୟାଳୟରେ ରାଜ୍ୟ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଅଚାନକ ପରିଦର୍ଶନରେ ଆସିଥିଲେ । ପରିଦର୍ଶନ ସମୟରେ ଛାତ୍ରଛାତ୍ରୀଙ୍କ ପାଇଁ ଉଦ୍ଦିଷ୍ଟ ଶୌଚଳାୟ ଓ ବେସିନ ଅପରିଷ୍କାର ହୋଇଥିବା ଦେଖି ନିଜ ହାତରେ ଝାଡୁ ଧରି ସଫା କରିବା ପାଇଁ ମନ୍ତ୍ରୀ ଲାଗିପଡ଼ିଥିଲେ । ମନ୍ତ୍ରୀଙ୍କ ଏତାଦୃଶ କାର୍ଯ୍ୟ ଏବେ ବେଶ ଚର୍ଚ୍ଚାର ବିଷୟ ହୋଇଛି । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ