MBA ଟପ୍ପର ଶ୍ରଦ୍ଧାରବିନ୍ଦ, ଜିଲ୍ଲାରେ ନିଯୁକ୍ତ ସୃଷ୍ଟି କରିବା ଲକ୍ଷ୍ୟ

ଜଗତସିଂହପୁର: ପ୍ରକାଶ ପାଇଛି ଚଳିତ ବର୍ଷର OJEE (ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା) ରେଜଲ୍ଟ । ୧୨ଟି ବୈଷୟିକ ଓ ବୃତ୍ତିଗତ ପାଠ୍ୟକ୍ରମ ପାଇଁ ରେଜଲ୍ଟ ବାହାରିଛି । ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ନାଉଲୋ ଗ୍ରାମର ଶ୍ରଦ୍ଧାରବିନ୍ଦ ସାମନ୍ତରାୟ MBA(OJEE ରେଜଲ୍ଟ) ଟପ୍ପର ହୋଇଛନ୍ତି । କଠିନ ପରିଶ୍ରମ ବଳରେ ଶ୍ରଦ୍ଧାରବିନ୍ଦ ସଫଳତା ହାସଲ କରିଥିବା କଥା କହିଛନ୍ତି । ଏହି ପରୀକ୍ଷା ପାଇଁ ସେ ଦିନକୁ ୫ରୁ ୬ ଘଣ୍ଟା ପରିଶ୍ରମ କରୁଥିଲେ । ସେ MBA ଟପ୍ପର ହୋଇଥିବା ନେଇ ଗଣମାଧ୍ୟମରୁ ଜାଣିବାକୁ ପାଇଥିଲେ । ଏହାକୁ ନେଇ ସେ ଖୁସି ବ୍ୟକ୍ତ କରିଥିଲେ । ଆଗାମୀ ଦିନରେ ସେ ଜିଲ୍ଲାପାଇଁ ଅଧିକ ଗୌରବ ଆଣିବେ ବୋଲି ତାଙ୍କ ପ୍ରତିକ୍ରିୟାରେ କହିଛନ୍ତି ।