ମର୍ସିଡିଜରେ ରାସନ ବୋହୁଛନ୍ତି ହିତାଧିକାରୀ, ଭିଡିଓ ଭାଇରାଲ

ଚଣ୍ଡିଗଡ: ଏକ ମର୍ସିଡିଜ ଗାଡିରେ ବସ୍ତା ବସ୍ତା ଗହମ ଭର୍ତ୍ତି କରାଯାଉଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଗରିବ ଲୋକଙ୍କ ପାଇଁ ରାସନ ଯୋଜନାରେ ବଣ୍ଟାଯାଉଥିବା ରାସନ କେନ୍ଦ୍ରରେ ଏକ ମର୍ସିଡିଜରେ ଗହମ ବସ୍ତା ଲୋଡ କରି ନିଯାଉଥିବା ଦେଖିବାକୁ ମିଳିଛି । ପଞ୍ଜାବ ହୋସିଆରପୁର ନାଲୋୟାନ ଚୌକରୁ ଆସିଛି ଏପରି ଚିତ୍ର । ପଞ୍ଜାବ ସରକାରଙ୍କ ବିପିଏଲଙ୍କ ପାଇଁ ହୋଇଥିବା ଅଟା ଡାଲି ଯୋଜନାରେ ଜଣେ ଲୋକ ମର୍ସିଡିଜ ଗାଡିରେ ଗହମ ବସ୍ତା ନେଉଥିବା ଦେଖିବାକୁ ମିଳିଥିଲା । ଏ ବାବଦରେ ବ୍ୟକ୍ତି ଜଣଙ୍କୁ ପଚରାଯିବାରୁ କାରଟି ତାଙ୍କର ନୁହେଁ ବୋଲି କହିଛନ୍ତି । ଗାଡିଟି ତାଙ୍କର ଜଣେ ସମ୍ପର୍କୀୟଙ୍କର ବୋଲି କହିଛନ୍ତି ବ୍ୟକ୍ତି । ରାସନ ଆଣବା ପାଇଁ ସେ ଗାଡିଟି ଆଣିଥିବା କହିଛନ୍ତି ।