ଜୱାଦ ମୁକାବିଲା ପାଇଁ ପ୍ରସ୍ତୁତ ଖୋର୍ଦ୍ଧା ଅଗ୍ନିଶମ ବିଭାଗ

ଖୋର୍ଦ୍ଧା: ସମୁଦ୍ର ଭିତରୁ ବଳ ଗୋଟାଇ ସ୍ଥଳଭାଗ ଆଡକୁ ମାଡି ଆସୁଛି ବାତ୍ୟା ଜୱାଦ(cyclone Jawad) । ବାତ୍ୟା ରବିବାର ଦିନ ପୁରୀ ନିକଟରେ ସ୍ଥଳଭାଗ ଛୁଇଁବ ବୋଲି ଆକଳନ କରିଛି ପାଣିପାଗ ବିଭାଗ । ବାତ୍ୟା ପ୍ରଭାବରେ ଖୋର୍ଦ୍ଧା ଜିଲ୍ଲାର ଟାଙ୍ଗି, ବାଣପୁର ଓ ଚିଲିକା ବ୍ଲକ ବିଶେଷ ପ୍ରଭାବିତ ହେବ ବୋଲି ଅନୁମାନ କରାଯାଉଛି । ସେପଟେ ବାତ୍ୟା ମୁକାବିଲା ପାଇଁ ସଜାଗ ରହିଛି ଅଗ୍ନିଶମ ବିଭାଗ(odisha fire department) । ଅଗ୍ନିଶମ ବିଭାଗ ପକ୍ଷରୁ ମୋଟ 11ଟି ଟିମ ଗଠନ କରାଯାଇଥିବାବେଳେ ସେଥିମଧ୍ୟରୁ 7ଟି ଟିମ ପ୍ରଭାବିତ ହେବାକୁ ଥିବା ବିଭିନ୍ନ ବ୍ଲକରେ ମୁତୟନ ହୋଇଥିବା ବେଳେ 4ଟି ଟିମ ଜିଲା ମୁଖ୍ୟାଳୟରେ ଅଛନ୍ତି । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ