ଅଗ୍ନିପଥ ଭୟ, ଭୁବନେଶ୍ବର ରେଳ ଷ୍ଟେସନରେ କଡା ସୁରକ୍ଷା

ଭୁବନେଶ୍ବର: ଅଗ୍ନିପଥ ନିଆଁରେ ଜଳୁଛି ସାରାଦେଶ । ବିହାର, ଉତ୍ତର ପ୍ରଦେଶ, ରାଜସ୍ଥାନ, ହରିୟାଣା, ମଧ୍ୟପ୍ରଦେଶ, ତେଲେଙ୍ଗାନା, କଟକରେ ଅଗ୍ନିପଥ ନେଇ ହିଂସା ଓ ପ୍ରତିବାଦ ଦେଖିବାକୁ ମିଳିଛି । ବର୍ତ୍ତମାନ ଭୁବନେଶ୍ବର ପାଇଁ ପୋଲିସ କମିଶନରେଟକୁ ଘାରିଛି ଚିନ୍ତା । ସହରର ବିଭିନ୍ନ ଛକ ସମେତ ରେଳ ଷ୍ଟେସନ ଉପରେ ପୋଲିସର ହାଇ ଆଲର୍ଟ ଜାରି ହୋଇଛି । ଷ୍ଟେସନ ପରିସରରେ ଗୋଟିଏ ପୋଲିସ ଫୋର୍ସ ମୁତୟନ ହୋଇଛନ୍ତି । କୌଣସି ପ୍ରକାର ବିଶୃଙ୍ଖଳା ପ୍ରତି ବନ୍ଧୁକଧାରୀ ଆରପିଏଫ ପୋଲିସ କଡ଼ା ନଜର ରଖିଛନ୍ତି । ଇଟିଭି ଭାରତ, ଭୁବନେଶ୍ବର