500 ଟଙ୍କା ପାଇଁ କୁକୁରକୁ ପିଟିପିଟି ହତ୍ୟା, ଦେଖନ୍ତୁ ଭିଡିଓ...

ଚେନ୍ନାଇ: ଦିନକୁ ଦିନ ପଶୁଙ୍କ ପ୍ରତି ମଣିଷର କ୍ରୁରତା ବଢିବାରେ ଲାଗିଛି । ଏହି ଭିଡିଓଟି ଦେଖିଲା ପରେ ଆପଣ ମଧ୍ୟ ଏହା ଅନୁଭବ କରିପାରିବେ । ତାମିଲନାଡୁର ମଦୁରାଇ ଜିଲ୍ଲାରେ ଏକ କୁକୁରକୁ ଜଣେ ବ୍ୟକ୍ତି ପିଟିପିଟି ହତ୍ୟା କରିଛନ୍ତି । କାରଣ ଜାଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ । ସରଭନନ୍ ନାମକ ବ୍ୟକ୍ତି ପ୍ରତିଦିନ ରାସ୍ତାରେ ଯାଉଥିବା ବେଳେ ଏହି କୁକୁରଟି ତାଙ୍କୁ ଦେଖି ଭୋକିଥାଏ । ସେଥିପାଇଁ ସେ ବିମଲରାଜ ନାମକ ବ୍ୟକ୍ତିଙ୍କୁ 500 ଟଙ୍କା ଦେଇ କୁକୁରକୁ ହତ୍ୟା କରିବାକୁ କହିଥିଲେ । ବିମଲରାଜ କୁକୁରକୁ ପିଟିପିଟି ହତ୍ୟା କରୁଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓ ଆଧାରରେ ପୋଲିସ ଦୁଇ ଅଭିଯୁକ୍ତ ସରଭନନ୍ ଏବଂ ବିମଲରାଜଙ୍କୁ ଗିରଫ କରିଛନ୍ତି ।