ବିଶ୍ବ ବରିଷ୍ଠ ନାଗରିକ ଦିବସରେ ବରିଷ୍ଠ ନାଗରିକଙ୍କୁ ଅତିଥି କଲେ ଜିଲ୍ଲାପାଳ

ବୌଦ୍ଧ: ପ୍ରତିବର୍ଷ ଅକ୍ଟୋବର 1 ତାରିଖକୁ ବିଶ୍ବ ବରିଷ୍ଠ ନାଗରିକ ଦିବସ ଭାବରେ ପାଳନ କରାଯାଏ । ଏହି ଅବସରରେ ବୌଦ୍ଧରେ ବରିଷ୍ଠ ନାଗରିକ ଦିବସ ପାଳିତ ହୋଇଛି । ଜିଲ୍ଲା ପ୍ରଶାସନ ପକ୍ଷରୁ ଏକ ମେଗା ସ୍ବାସ୍ଥ୍ୟ ମେଳା ବରିଷ୍ଠ ନାଗରିକଙ୍କ ପାଇଁ ଆୟୋଜନ କରାଯାଇଥିଲା । ବରିଷ୍ଠ ନାଗରିକ ଦିବସରେ ନାଗରିକଙ୍କୁ ଜିଲ୍ଲାପାଳ ସ୍ବାଗତ କରିବା ସହିତ ସେମାନଙ୍କୁ ଅତିଥ୍ୟ କରିଥିଲେ । ବୌଦ୍ଧ ଜିଲ୍ଲା ପ୍ରଶାସନ ପକ୍ଷରୁ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା । କାର୍ଯ୍ୟକ୍ରମକୁ ଆସିଥିବା ବରିଷ୍ଠ ନାଗରିକଙ୍କୁ ଜିଲ୍ଲାପାଳ ସତ୍ୟ ରଞ୍ଜନ ସାହୁ ସ୍ବାଗତ କରିଥିଲେ । ଜିଲ୍ଲାପାଳ ନିଜେ ବରିଷ୍ଠ ନାଗରିକଙ୍କୁ ପାଛୋଟି ଆଣିବା ସହିତ ଅତିଥିଙ୍କ ଭଳି ସମ୍ମାନ ପ୍ରଦର୍ଶନ ସହ ଠାକୁରଙ୍କ ନିକଟରେ ପ୍ରଦୀପ ପ୍ରଜ୍ବଳନରେ ସହାୟତା କରିଥିଲେ । ବରିଷ୍ଠ ନାଗରିକ ଦିବସ ଅବସରରେ ଟାଉନହଲ ପରିସରରେ ବୟୋଜ୍ୟେଷ୍ଠ ମାନଙ୍କ ପାଇଁ ଏକ ମେଗା ଚିକିତ୍ସା ଶିବିରର ଆୟୋଜନ କରାଯାଇଥିଲା । ବିଭିନ୍ନ ବର୍ଗରେ ସମୁଦାୟ 789 ଜଣ ବୟୋଜ୍ୟେଷ୍ଠଙ୍କୁ ଚିକିତ୍ସା ଯୋଗାଇ ଦିଆଯିବା ସହିତ ମାଗଣାରେ ଔଷଧ ପ୍ରଦାନ କରାଯାଇଥିଲା।