Rath Yatra 2021: ସରିଲା ଛେରାପହଁରା

ଆଜି ପବିତ୍ର ରଥଯାତ୍ରା । କୋରୋନା କଟକଣା ମଧ୍ୟରେ ଚାଲିଛି ମହାପ୍ରଭୁଙ୍କ ସମସ୍ତ ନୀତି କାନ୍ତି । ମହାପ୍ରଭୁଙ୍କ ଚଳନ୍ତି ପ୍ରତିମା ଗଜପତି ମହାରାଜ ତିନି ରଥରେ ଛେରାପହଁରା କରିଛନ୍ତି । ନୀତି ମୁତାବକ ଗଜପତି ପ୍ରଥମେ ପ୍ରଭୁ ବଳଭଦ୍ରଙ୍କ ରଥରେ ପହଞ୍ଚି ଛେରାପହଁରା କରିବା ସହ ପୂଜାର୍ଚ୍ଚନା କରିଥିଲେ । ପରେ ସୁନାନାକି ଭଉଣୀ ସୁଭଦ୍ରାଙ୍କ ରଥ ଉପେର ଛେରାପହଁରା କରିଥିଲେ । ଶେଷରେ ମହାପ୍ରଭୁ ଶ୍ରୀ ଜନ୍ନାଥଙ୍କ ରଥରେ ଛେରାପହଁରା କରିଥିଲେ ଗଜପତି । ଗଜପତି ମହାରାଜା ରୌପ୍ୟ ତାମଜାନ୍ ରେ ଆସି କ୍ରମାଗତ ତିନି ରଥ ଆରୋହଣ କରି ପ୍ରଥମେ ପ୍ରାର୍ଥନା ଅର୍ପଣ କରିଥିଲେ ଓ ପରେ ପରେ ସୁବର୍ଣ୍ଣ ବେଣ୍ଟ ଓ ରୌପ୍ୟ ଖାଡି ଲାଗିଥିବା ପହଁରାରେ ସୁବାସିତ ଚନ୍ଦନ ଜଳ ଓ ପୁଷ୍ପସିଞ୍ଚନ ସହ ରଥ ମାର୍ଜନା କରଥିଲେ । ଯାହା ଛେରାପହଁରା ନାମରେ ସୁବିଦିତ ।