ଚାଲୁ ଚାଲୁ ହୃଦଘାତରେ ରାସ୍ତାରେ ଟଳିପଡିଲେ ରେସଲର

ବେଙ୍ଗାଲୁରୁ:ଏମିତିବି ଆସେ ମୃତ୍ୟୁ । ରାସ୍ତାରେ ଚାଲୁଥିବା ସମୟରେ ହଦଘାତ ଆସିବାରୁ କର୍ଣ୍ଣାଟକର ଜଣେ ରେସଲରଙ୍କ ମୃତ୍ୟୁ ହୋଇଛି । ସକାଳ ସମୟରେ ସେ ଓ ତାଙ୍କ ସହଯୋଗୀ ରାସ୍ତାରେ ଯାଉଥିବା ବେଳେ ହଠାତ ରେସଲର ପାଇଲୱାନ୍ ସାଙ୍ଗପ୍ପା ବାଲିଗେର ତଳେ ପଡିଯାଇଥିଲେ । ଏହା ପରେ ତାଙ୍କର ମୃତ୍ୟୁ ହୋଇଥିଲା । ଯାହାର ଭିଡିଓ ସିସିଟିଭିରେ କଏଦ ହୋଇଛି । ପାଇଲୱାନ ସାଙ୍ଗପ୍ପା ବେଲାଗାଭି ଜିଲ୍ଲାର କିନ୍ତୁ ଧରୱାଡରେ ରହୁଥିଲେ । ବୁଧବାର ସକାଳେ ଧରୱାଡର ମାଡିହାଲା ନିକଟରେ ଜଣେ ବନ୍ଧୁଙ୍କ ସହ ଘରକୁ ଫେରୁଥିବା ବେଳେ ପାଇଲୱାନଙ୍କୁ ହୃଦଘାତ ଆସିଥିଲା । ଫଳରେ ରାସ୍ତାରେ ହିଁ ତାଙ୍କର ମୃତ୍ୟୁ ହୋଇଥିଲା ।