Har Ghar Tiranga, ଘରଘର ବୁଲି ତ୍ରିରଙ୍ଗା ବାଣ୍ଟୁଛନ୍ତି ଯୁବନେତା

ବାଲେଶ୍ବର: ପ୍ରଧାନମନ୍ତ୍ରୀଙ୍କ ଆହ୍ବାନ କ୍ରମେ ଆଜି ପୂର୍ବରୁ ପଶ୍ଚିମ, ଉତ୍ତରରୁ ଦକ୍ଷିଣ ସବୁଠି ଉଡୁଛି ତ୍ରିରଙ୍ଗା । 'ହର ଘର ତ୍ରିରଙ୍ଗା ଅଭିଯାନ'କୁ ସଫଳ କରିବା ପାଇଁ ଅଣ୍ଟା ଭିଡିଛନ୍ତି ବାଲେଶ୍ବରର ଯୁବନେତା ରାଜେଶ ମହାକୁଡ଼ । ଖଇରା ବ୍ଲକ ୫ନମ୍ବର ଜୋନର ବିଭିନ୍ନ ପଞ୍ଚାୟତରେ ବୁଲି ବଲି ତ୍ରିରଙ୍ଗା ବାଣ୍ଟିବା ସହ ଘରେ ଘରେ ତ୍ରିରଙ୍ଗା ଲଗାଇବାକୁ ଲୋକଙ୍କୁ ଆହ୍ବାନ କରିଛନ୍ତି ରାଜେଶ । ସେହିପରି ଡଗରପଡା, କୁରୁଣ୍ଟା, ଅଚ୍ୟୁତପୁର, ଗଗନଧୂଳି, ନନ୍ଦୋର ଆଦି ପଞ୍ଚାୟତର ଘରେ ଘରେ ତ୍ରିରଙ୍ଗା ଉଡୁଥିବାର ଦେଖିବାକୁ ମିଳିଛି । ଯୁବନେତା ରାଜେଶ ମହାକୁଡ଼ ପ୍ରାୟ 3 ହଜାର ପତାକା ବାଣ୍ଟିବାର ଲକ୍ଷ୍ୟ ରଖିଥିବା କହିଛନ୍ତି । ସେହିପରି ଡଗରପଡା ପଞ୍ଚାୟତରେ ଥିବା ବିବେକ ଭାରତୀ ସେବାଶ୍ରମରେ ଅନ୍ତେବାସୀଙ୍କୁ ପାଠ୍ୟ ଉପକରଣ ବାଣ୍ଟିବା ସହ ତ୍ରିରଙ୍ଗା ବଣ୍ଟନ କରିଥିଲେ ଯୁବନେତା ରାଜେଶ । 'ହର ଘର ତ୍ରିରଙ୍ଗା' ଅଭିଯାନକୁ ସଫଳ କରିବା ପାଇଁ ଜିଲ୍ଲାରବିଭିନ୍ନ ସ୍ଥାନରେ ଶୋଭାଯାତ୍ରା ସାଙ୍ଗକୁ ରକ୍ତଦାନ ଶିବିର ମଧ୍ୟ ଅନୁଷ୍ଠିତ ହୋଇଛି।