100 କିମି ବେଗରେ ଭଦ୍ରକ କମ୍ପାଉଛି ବାତ୍ୟା ଆମ୍ପନ

ଅମ୍ଫାନ ପ୍ରଭାବରେ ଭଦ୍ରକ ଜିଲ୍ଲାରେ ବର୍ଷା ସାଙ୍ଗକୁ ପବନର ବେଗ ବଢିବାରେ ଲାଗିଛି । କିଛି ସ୍ଥାନରେ ଗଛ ଉପୁଡି ରାସ୍ତା ଅବରୋଧ କରିଥିବା ସୂଚନା ମିଳିଛି । ପାଖାପାଖି 100 କିମି ବେଗରେ ପବନ ବହୁଛି । ଏଥିସହ ତୁହାକୁ ତୁହା ବର୍ଷା ଜାରି ରହିଛି । 30 ହଜାରରୁ ଉର୍ଦ୍ଧ୍ବଙ୍କୁ ସ୍ଥାନାନ୍ତରିତ କରାଯାଇଛି । ସମୁଦ୍ର ତଟବର୍ତ୍ତୀ 22ଟି ପଞ୍ଚାୟତର ଲକ୍ଷେ ପାଞ୍ଚ ହଜାର ଲୋକଙ୍କୁ ଆବଶ୍ୟକ ସ୍ଥଳରେ ସ୍ଥାନାନ୍ତର କରାଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ପ୍ରବଳ ପବନ ସାଙ୍ଗକୁ ବର୍ଷା ଜାରି ରହିଛି । ବିଭିନ୍ନ ସ୍ଥାନରେ ଗଛ ଉପୁଡି ପଡିଥିବା ଗଛକୁ ଏନଡିଆରଏଫ ଓ ଓଡ୍ରାଫ ତରଫରୁ କଟାଯାଇ ରାସ୍ତା ସଫା କରାଯାଇଛି । ସନ୍ଧ୍ୟା ସୁଦ୍ଧା ଅମ୍ଫାନର ପ୍ରଭାବ ଆହୁରି ତୀବ୍ର ହେବ ବୋଲି ଜଣାପଡିଛି । ତେବେ ଦେଖନ୍ତୁ ଅମ୍ଫାନ ପ୍ରଭାବରେ କଣ ରହିଛି ଭଦ୍ରକର ସ୍ଥିତି... ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ