ବିଶ୍ବପ୍ରସିଦ୍ଧ ବକ୍ର ମନ୍ଦିର: ପ୍ରବଳ ଜାଡରେ ବି କମୁନି ଭକ୍ତଙ୍କ ଭିଡ

ସମ୍ବଲପୁର: ଜିଲ୍ଲାର ଏକ ପ୍ରସିଦ୍ଧ ପର୍ଯ୍ୟଟନସ୍ଥଳ ହେଉଛି ହୁମାସ୍ଥିତ ବିମଳେଶ୍ବର ବାବାଙ୍କ ମନ୍ଦିର। ଏହି ଶିବ ମନ୍ଦିରର ସବୁଠାରୁ ଆଶ୍ଚର୍ଯ୍ୟକର କଥା ଯାହା ଏହି ମନ୍ଦିରକୁ ଅନ୍ୟଙ୍କ ଠାରୁ ଭିନ୍ନ କରାଏ ତାହା ହେଉଛି ମନ୍ଦିରର ବକ୍ରତା । ମନ୍ଦିରଟି ଉତ୍ତର-ପୂର୍ବକୁ 46 ଡିଗ୍ରୀ ଢଳି ହୋଇ ରହିଥିବାର ଦେଖିବାକୁ ମିଳେ। ଏହା ଆଜି କି କାଲି ନୁହେଁ ବରଂ ଆରମ୍ଭରୁ ହିଁ ମନ୍ଦିରଟି ଏପରି ବକ୍ର। ଏହି ବକ୍ର ମନ୍ଦିର ଦୂର ଦୂରରୁ ଅନେକ ଲୋକଙ୍କୁ ଆକର୍ଷିତ କରିଥାଏ ।