ବନ୍ୟାର କରାଳ ରୂପ, ଭୁଶୁଡିଲା 2 ମହଲା କୋଠା

ଯାଜପୁର: ପ୍ରବଳ ବନ୍ୟା ଯୋଗୁଁ ପୁଣି ଭୁଶୁଡିଲା କୋଠା ଘର । ପ୍ରବଳ ବର୍ଷା ଓ ବନ୍ୟା ପାଣିରେ ଯାଜପୁର ଜିଲ୍ଲା ରସୁଲପୁରରେ ବ୍ଳକର ସାହାପଡ଼ା ଠାରେ 2 ମହଲା କୋଠା ଭୁଶୁଡି ପଡିଛି । କୋଠାଟି ଭୁଶୁଡି ପଡି ବ୍ରାହ୍ମଣୀ ନଦୀରେ ଭାସିଯାଇଛି । ଏଥିରେ କେହି ମୃତାହତ ହୋଇଥିବା ସୂଚନା ନାହିଁ। ଘରର ମାଲିକ ରମଣ ରଞ୍ଜନ ଜେନା ଘର ହରାଇ ଏବେ ସର୍ବସ୍ବ ହରାଇଥିବା କହିଛନ୍ତି । ବନ୍ୟାର ସୂଚନା ପାଇ ସମସ୍ତ ଘର ଲୋକ ଉଚ୍ଚ ସ୍ଥାନକୁ ସ୍ଥାନାନ୍ତରିତ ହେଇ ଯାଇଥିଲେ।