କିଏ ଜିତିବ ପିପିଲି ବାଜି ? ଶୁଣନ୍ତୁ କ'ଣ କହୁଛନ୍ତି ପ୍ରାର୍ଥୀ

ପୁରୀ: ଚାଲିଛି ପିପିଲି ଉପନିର୍ବାଚନ ଭୋଟିଂ । 348 ମତଦାନ କେନ୍ଦ୍ରରେ ଶାନ୍ତି ଶୃଙ୍ଖଳାର ସହ ଭୋଟ ଦେଉଛନ୍ତି ଭୋଟର । ବିଭିନ୍ନ ଦଳର ପ୍ରାର୍ଥୀମାନେ ମଧ୍ୟ ନିଜ ନିଜର ମତ ସାବ୍ୟସ୍ତ କରିଛନ୍ତି । ବିଜେଡି ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ପାଣିଦୋଳ କଣ୍ଟିର ୧୩୩(A) ବୁଥରେ ମତଦାନ କରିଛନ୍ତି । ସେହିପରି କଂଗ୍ରେସ ପ୍ରାର୍ଥୀ ବିଶ୍ବକେଶନ ହରିଚନ୍ଦନ ମହାପାତ୍ର ମଧ୍ୟ ନିଜ ଗ୍ରାମରେ ଦେଇଛନ୍ତି ଭୋଟ୍ । ଲୋକଙ୍କୁ ଅଧିକରୁ ଅଧିକ ମତଦାନ ପାଇଁ ରୁଦ୍ରପ୍ରତାପ ଅପିଲ କରିଥିବାବେଳେ ଭୋଟିଂ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ପ୍ରାର୍ଥୀ । ଲୋକେ ବର୍ତ୍ତମାନ ସରକାର ବଦଳାଇବା ସପକ୍ଷେରେ ଅଛନ୍ତି ଏବଂ ବୁଝିଛନ୍ତି ଯେ ଯାହା ବି ବିକାଶ ହୋଇଛି ଅତୀତରେ କଂଗ୍ରେସ ଅମଳରେ ହୋଇଛି । ତେଣୁ ପିପିଲିରେ ନିଜର ବିଜୟ ନେଇ ସମ୍ପୂର୍ଣ୍ଣ ଆଶାବାଦୀ ଥିବା କହିଛନ୍ତି କଂଗ୍ରେସ ପ୍ରାର୍ଥୀ ବିଶ୍ବକେଶନ ।  ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ