ଲକଡାଉନ ଦୁଃଖ: ଆତ୍ମନିର୍ଭରଶୀଳ ହେବାର ନୂଆ ସାହାରା ୟୁଟ୍ୟୁବ୍‌

ସମ୍ବଲପୁର: ସାରା ବିଶ୍ବରେ ମହାମାରୀରେ ପରିଣତ ହୋଇଥିବା କୋରୋନା ପାଇଁ ଜାରି ହୋଇଛି ଲକଡାଉନ । ଏନେଇ ଅନେକ ଲୋକ ନିଜ ରୋଜଗାର ହରାଇଥିବା ବେଳେ ଅନେକ ନିଜ ଆତ୍ମ ବିଶ୍ବାସ ହରାଇଛନ୍ତି । ଗରିବ ଗୁରୁବା ଏନେଇ ବିଶେଷ ପ୍ରଭାବିତ ହୋଇଥିବା ବେଳେ ଦୁଃଖରେ ଭାଙ୍ଗି ନପଡି ସୋସିଆଲ ମିଡିଆରୁ ସାହସ ଜୁଟାଇଛନ୍ତି ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ ଖଲିଆପାଲି ଗାଁର ରୋହିତ ଛୁରୀଆ । ଲକଡାଉନ ତାଙ୍କ ରୋଜଗାର ଛଡାଇଛି ସତ ହେଲେ ମନୋବଳ ନହରାଇ ସେ ୟୁଟ୍ୟୁବର ସହାୟତାରେ ଏବେ ହୋଇଛନ୍ତି ଆତ୍ମନିର୍ଭରଶୀଳ ।