କେନ୍ଦ୍ରାପଡାରେ ଜଳବନ୍ଦୀଙ୍କୁ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି

କେନ୍ଦ୍ରାପଡା: ଜିଲ୍ଲାରେ ବନ୍ୟା ପରିସ୍ଥିତି ଉପୁଜିଥିବାବେଳେ ଜଳ ଘେରରେ ଫସିଥିବା ସ୍ଥାନୀୟ ଲୋକଙ୍କୁ ଉଦ୍ଧାର କରିବା ପାଇଁ ପ୍ରଶାସନ ପକ୍ଷରୁ ପହଞ୍ଚିଥିଲା ଏନଡିଆରଏଫ, ଓଡ୍ରାଫ ଓ ଅଗ୍ନିଶମ ବିଭାଗ କର୍ମଚାରୀ । ଶୁକ୍ରବାରଠାରୁ ପାଣି ଘେରରେ ରହିଥିବା ବେଣୀପୁର ବାସିନ୍ଦାଙ୍କ ଦୁଃଖ ଶୁଣି ଉଦ୍ଧାର କାର୍ଯ୍ୟ ଆରମ୍ଭ କରିଛି ପ୍ରଶାସନ। ଅନ୍ୟପକ୍ଷରେ ଶୁଖିଲା ଖାଦ୍ୟ, ବିସ୍କୁଟ, ପାଣି ବୋତଲ ଆଦି ଲୋକମାନଙ୍କ ପାଖରେ ପହଞ୍ଚାଉଛି 3ଟି ଏନଡିଆରଏଫ, 2ଟି ଓଡ୍ରାଫ ଓ 3ଟି ଅଗ୍ନିଶମ ଟିମ । ତେବେ ବିରୂପା ନଦୀର ଜଳସ୍ତର ଧିରେ ଧିରେ ବୃଦ୍ଧି ପାଉଥିବାବେଳେ ଆତଙ୍କିତ ହୋଇପଡିଛନ୍ତି ଗ୍ରାମର ବାସିନ୍ଦା। କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ