Panchayat Election: ୧୦ ଜିଲ୍ଲା ପରିଷଦ ଆସନରେ କନ୍ଧମାଳ କଂଗ୍ରେସର ଆଖି

ଫୁଲବାଣୀ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ରାଜନୈତିକ ପାଣିପାଗ ବଦଳି ଯାଇଛି । କନ୍ଧମାଳରେ ପ୍ରମୁଖ ରାଜନୈତିକ ଦଳ ପକ୍ଷରୁ ହେଉଛି ଘନଘନ ବୈଠକ । କନ୍ଧମାଳରେ ୧୮ଟି ଜିଲ୍ଲା ପରିଷଦ ଆସନ ହାତେଇବା ପ୍ରମୁଖ ରାଜନୈତିକ ଦଳ ପକ୍ଷରୁ ଚାଲିଛି ଅଙ୍କ କଷା । ଏଥିରେ କଂଗ୍ରେସ ମଧ୍ୟ ପଛରେ ପଡ଼ିନାହିଁ । ତେବେ କଂଗ୍ରେସ ମଧ୍ୟ ଗୁପ୍ତ ବୈଠକ କରି କିଭଳି ଆସନ ହାତେଇବ ସେନେଇ ରଣନୀତି ପ୍ରସ୍ତୁତ କରିଛି । ପଞ୍ଚାୟତ ନିର୍ବାଚନ ପୂର୍ବରୁ ପୂର୍ବତନ ବିଧାୟକ ଯାକବ ପ୍ରଧାନଙ୍କ ଉପରୁ ଦଳ ନିଲମ୍ବନ ଆଦେଶ ପ୍ରତ୍ୟାହୃତ କରିଛି । ଯାକବ ପୁଣି ଦଳକୁ ଫେରିଥିବାରୁ କର୍ମୀଙ୍କ ମନୋବଳ ଆହୁରି ମଜଭୁତ ହୋଇଛି । ଆସନ୍ତା ନିର୍ବାଚନରେ କଂଗ୍ରେସ ୧୦ଟି ଜିଲ୍ଲା ପରିଷଦ ଆସନ ହାତେଇବା ପାଇଁ ଲକ୍ଷ୍ୟ ରଖିଛି । ଏନେଇ କନ୍ଧମାଳ କଂଗ୍ରେସ ପ୍ରଭାରୀ ବିସ୍ମୟ ମହାପାତ୍ର ଙ୍କ ସହ ଆଲୋଚନା କରିଛନ୍ତି ଆମ କନ୍ଧମାଳ ପ୍ରତିନିଧି ସଞ୍ଜୟ ପାତ୍ର ।