ପୂର୍ବତନ ମନ୍ତ୍ରୀ ସନାତନ ବିଶିଙ୍କ ବିୟୋଗରେ ଖଣିମନ୍ତ୍ରୀଙ୍କ ଶୋକ, ଦେଖନ୍ତୁ ଭିଡିଓ

ଭୁବନେଶ୍ବର: ପୂର୍ବତନ ମନ୍ତ୍ରୀ ସନାତନ ବିଶିଙ୍କ ବିୟୋଗରେ ଖଣିମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଶୋକ ପ୍ରକାଶ କରିଛନ୍ତି । ଏହାସହ ବିଶିଷ୍ଟ ଶ୍ରମିକ ନେତା ସୌରୀବନ୍ଧୁ କର ଓ କାମାକ୍ଷାନଗରର ସ୍ବାଧୀନତା ସଂଗ୍ରାମୀ ଧନେଶ୍ବର ସ୍ବାଇଁଙ୍କ ବିୟୋଗରେ ମଧ୍ୟ ଗଭୀର ମର୍ମାହତ ବୋଲି ଖଣିମନ୍ତ୍ରୀ ମଧ୍ୟ ବାର୍ତ୍ତା ଦେଇଛନ୍ତି। ଖଣିମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଶୋକବାର୍ତ୍ତାରେ ପ୍ରକାଶ କରିଛନ୍ତି, ‘ଓଡ଼ିଶାର ପୂର୍ବତନ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ, ସନାତନ ବିଶିଙ୍କ ବିୟୋଗ ଖବର ପାଇଁ ମୁଁ ମର୍ମାହତ । ତାଙ୍କର ଅକାଳ ବିୟୋଗ ସମଗ୍ର ରାଜ୍ୟ ପାଇଁ ଏକ ଅପୁରଣୀୟ କ୍ଷତି। ଏହି ସମୟରେ ତାଙ୍କ ପରିବାରକୁ ସମବେଦନା ଜ୍ଞାପନ କରିବା ସହ ଅମର ଆତ୍ମାର ସଦଗତି ପାଇଁ କାମନା କରୁଛି ।’