ରାଜ୍ୟ ବିଜେପିର କାର୍ଯ୍ୟକାରିଣୀ ବୈଠକ; 2024ରେ ରାମରାଜ୍ୟ ଗଢିବ ବିଜେପି!

ଭୁବନେଶ୍ବର: ରାଜ୍ୟ ବିଜେପିର କାର୍ଯ୍ୟକାରିଣୀ ବୈଠକରେ ଆଗାମୀ ନିର୍ବାଚନ ପାଇଁ ପ୍ରସ୍ତୁତ ହେଲା ଖସଡ଼ା । ରାଜ୍ୟର ରାଜନୈତିକ ଓ ସାମାଜିକ ପ୍ରସଙ୍ଗକୁ ନେଇ ବୈଠକରେ ବିସ୍ତାର ଭାବେ ଆଲୋଚନା ହେଉଛି । ଆଗାମୀ ଦିନରେ ଦଳର ରାଜନୈତିକ କାର୍ଯ୍ୟକ୍ରମକୁ ତୃଣମୂଳ ସ୍ତରରେ ପହଞ୍ଚାଇବା ପାଇଁ ଦଳର ରାଷ୍ଟ୍ରୀୟ ସଭାପତି ଜେପି ନଡ୍ଡା ଦେଇଥିବା ଆହ୍ଵାନକୁ ଦଳ ଗମ୍ଭୀରତା ସହ କାର୍ଯ୍ୟକାରୀ କରିବ । ଏହାସହ ଦଳ ୨୦୨୪ରେ ରାଜ୍ୟରେ ଶାସନ କରିବା ପାଇଁ ଦେଇଥିବା ଆହ୍ବାନକୁ ଦଳ ସାକାର କରିବ । ଓଡ଼ିଶାରେ ବିଜେପି ରାମ ରାଜ୍ୟ ଭଳି ଶାସନ ଦେବ ବୋଲି ସେ କହିଛନ୍ତି । ରାଜ୍ୟ ସରକାରଙ୍କ ବିଫଳତାକୁ ନେଇ ମଧ୍ୟ କାର୍ଯ୍ୟକାରିଣୀ ବୈଠକରେ ଆଲୋଚନା କରାଯାଇଛି ବୋଲି ସୂଚନା ଦେଇଛନ୍ତି ବିଜେପି ନେତା ଭୃଗୁ ବକ୍ସିପାତ୍ର ।