୨ ଦିନ ପରେ ଖୋଲିଲା ଜଗା ଦ୍ବାର: ଦର୍ଶନ ପାଇ ଭାବବିହ୍ଵଳ ଭକ୍ତ

ପୁରୀ: ଦୁଇ ଦିନ ସାଧାରଣ ଦର୍ଶନ ବନ୍ଦ ପରେ ଆଜି ଭକ୍ତଙ୍କ ପାଇଁ ଖୋଲିଛି ଶ୍ରୀମନ୍ଦିର । ପଞ୍ଚୁକରେ ମହାପ୍ରଭୁଙ୍କ ଦର୍ଶନ ନେଇ ଶ୍ରୀକ୍ଷେତ୍ରରେ ହଜାର ହଜାର ଭକ୍ତଙ୍କ ଭିଡ଼ ହୋଇଛି । ପଞ୍ଚୁକର ଦିତୀୟ ଦିନରେ ମହାପ୍ରଭୁଙ୍କ ବାଙ୍କଚୂଡା ବେଶ ଦର୍ଶନ କରି ବିମୋହିତ ହୋଇଛି ଭକ୍ତ । ଶ୍ରୀମନ୍ଦିର ଦ୍ୱାର ଫିଟିବା ପୂର୍ବରୁ ଭୋରରେ ବ୍ୟାରିକେଡରେ ଲାଇନରେ ଠିଆ ହୋଇଥିଲେ ଭକ୍ତ । ମହାପ୍ରଭୁଙ୍କ ଦର୍ଶନ ଟିକେ ପାଇବା ପାଇଁ ଭକ୍ତ ମନରେ ରହିଥିଲା ଆବେଗ, ଉତ୍ସାହ । ମହାପ୍ରଭୁଙ୍କ ଦର୍ଶନ ପାଇଁ ହବିଷ୍ୟାଳି ଭାବବିହ୍ଵଳ ହେବା ସହ ଆନନ୍ଦିତ ହୋଇଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ