ଆଲୋକୀକରଣ ନାଁରେ ଲକ୍ଷାଧିକ ଟଙ୍କା ହଡପ ଅଭିଯୋଗ

ଯାଜପୁର: ଜିଲ୍ଲା କୋରେଇ ବ୍ଲକ ସାଦକପୁର ପଞ୍ଚାୟତର ରାସ୍ତା ଆଲୋକୀକରଣରେ ବ୍ୟାପକ ଅର୍ଥ ହଡ଼ପ ହୋଇଥିବା ଅଭିଯୋଗ। ପଞ୍ଚାୟତର ରାସ୍ତାଘାଟ ଓ ବଜାର ଅଞ୍ଚଳରେ ଆଲୋକୀକରଣ ପାଇଁ କାର୍ଯ୍ୟାଦେଶ ଦିଆଯାଇଥିଲା। ଏଥିପାଇଁ କେବଳ କାଁ ଭାଁ ସ୍ଥାନରେ ମାତ୍ର ୨ଲକ୍ଷରୁ କମ ଟଙ୍କାର ଲାଇଟ ଲଗାଯାଇ 8 ଲକ୍ଷ ଟଙ୍କାର ମିଥ୍ୟା ବିଲ କରି ଟଙ୍କା ହଡ଼ପ ହୋଇଥିବା ଅଭିଯୋଗ ହୋଇଛି। ଏନେଇ କେତେକ ଗ୍ରାମବାସୀ ଓ ୱାର୍ଡମେମ୍ବର ଜିଲ୍ଲାପାଳଙ୍କ ନିକଟରେ ଅଭିଯୋଗ କରିବା ପରେ ପ୍ରଶାସନ ପକ୍ଷରୁ ଏହାର ଖୋଳତାଡ଼ ଆରମ୍ଭ ହୋଇଛି । ସ୍ଥାନୀୟ ବିଡ଼ିଓଙ୍କ କହିବା କଥା ଏହାର ତଦନ୍ତ କରାଯାଇ ଜିଲ୍ଲାପାଳଙ୍କ ପରାମର୍ଶ କ୍ରମେ କାର୍ଯ୍ୟାନୁଷ୍ଠାନ ନିଆଯିବ।