ରୋହନପ୍ରୀତଙ୍କୁ ସାତ ଜନ୍ମର ସାଥି କଲେ ନେହା

ବିବାହ ବନ୍ଧନରେ ଆବଦ୍ଧ ହେଲେ ଲୋକପ୍ରିୟ ଗାୟିକା ନେହା କକ୍କର । ପଞ୍ଜାବୀ ସିଙ୍ଗର ରୋହନପ୍ରୀତ ସିଂଙ୍କୁ ସାତ ଜନମର ସାଥି କଲେ ନେହା । ଦୁଇଜଣଙ୍କ ବିବାହ ପଞ୍ଜାବୀ ବିଧି-ବିଧାନରେ ସମ୍ପନ୍ନ ହୋଉଛି । ବର୍ତ୍ତମାନ ସୋସିଆଲ ମିଡଆରେ ଭାଇରାଲ ହେଉଛି ଏହି ଯୋଡିଙ୍କ ବିବାହ ଭିଡିଓ ଓ ଫଟୋ । ନେହା ଓ ରୋହନଙ୍କ ୱେଡିଂ ଭିଡିଓ ଦେଖି ବର୍ତ୍ତମାନ ତାଙ୍କ ନୂଆ ଜୀବନ ପାଇଁ ଫ୍ୟାନ୍ସଙ୍କଠୁ ନେଇ ସେଲିବ୍ରିଟି ଶୁଭେଚ୍ଛା ଜଣାଇବାରେ ଲାଗିଛନ୍ତି । ବିବାହରେ ନେହା ଓ ରୋହନପ୍ରୀତ ପିଙ୍କ କଲର ଆଉଟଫିଟ୍‌ ପିନ୍ଧିଛନ୍ତି । ଶୁକ୍ରବାର ରାତିରେ ନେହା ଏବଂ ରୋହନପ୍ରୀତଙ୍କ ପରିବାର ଏକ ମେହେନ୍ଦୀ ସମାରୋହ ଆୟୋଜନ କରିଥିଲେ । ହେଲେ ପୂର୍ବରୁ ଦୁଇଜଣଙ୍କ ହଳଦୀ ଓ ମେହେନ୍ଦୀ ସେରିମନିର ଫଟୋ ସୋସିଆଲ ମିଡିଆରେ ଘୁରି ବୁଲୁଛି । ଫ୍ୟାନ୍ସଙ୍କ ପାଇଁ ନେହା ନିଜର ସବୁ ଫଟୋ ସେୟାର କରିବାରେ ଲାଗିଛନ୍ତି । ନେହାଙ୍କ ବିବାହକୁ ନେଇ ତାଙ୍କ ପ୍ରଶଂସକମାନେ ମଧ୍ୟ ବହୁତ ଉତ୍ସାହିତ ।