Ukraine War: ଯୁଦ୍ଧ ବନ୍ଦ ପାଇଁ ମହାଦେବଙ୍କୁ ପ୍ରାର୍ଥନା କରନ୍ତୁ: ୟୁକ୍ରେନ ରାଷ୍ଚ୍ରଦୂତ

ନୂଆଦିଲ୍ଲୀ- ଏଠାରେ ଅବସ୍ଥିତ ୟୁକ୍ରେନ ଦୂତାବାସ ପକ୍ଷରୁ ଋଷ-ୟୁକ୍ରେନ ଯୁଦ୍ଧ ବିରତି ଏବଂ ଶାନ୍ତି ପ୍ରତିଷ୍ଠା ପାଇଁ କ୍ୟାଣ୍ଡେଲ ଲାଇଟ ଜାଳି ମହାଦେବଙ୍କୁ ପ୍ରାର୍ଥନା କରାଯାଇଛି । ମହାଦେବଙ୍କୁ ସମସ୍ତେ ପ୍ରାର୍ଥନା କରନ୍ତୁ, ଏହି ଯୁଦ୍ଧ ଖୁବଶୀଘ୍ର ବନ୍ଦ ହେଉ ବୋଲି ଭାରତରେ ଅବସ୍ଥାପିତ ୟୁକ୍ରେନ ରାଷ୍ଟ୍ରଦୂତ କହିଛନ୍ତି । ଏହାସହିତ ସେ କହିଛନ୍ତି, ପ୍ରତି ଦିନ ସନ୍ଧ୍ୟାରେ ଏଠାରେ ମହମ ଜାଳି ଶାନ୍ତି ପାଇଁ ପ୍ରାର୍ଥନା କରାଯିବା ସହିତ ଯୁଦ୍ଧ ଶୀଘ୍ର ବନ୍ଦ ହେଉ ବୋଲି କାମନା କରୁଛି । ତେବେ ମହାଶିବରାତ୍ର ଅବ୍ୟବହିତ ପୂର୍ବରୁ ଏହି କ୍ୟାଣ୍ଡେଲ ଲାଇଟ ଜାଳିବା କାର୍ଯ୍ୟକ୍ରମ ହୋଇଥିଲା । ଏଥିରେ ୟୁକ୍ରେନ ସହ ପୋଲାଣ୍ଡ, ପର୍ତ୍ତୁଗାଲ, ସମେତ ଏକାଧିକ ରାଷ୍ଟ୍ରରୁ ରାଷ୍ଟ୍ରଦୂତ ସାମିଲ ହୋଇଥିଲେ ।