ଖ୍ରୀଷ୍ଟମାସ କେକ୍‌ରେ ରାମ ମନ୍ଦିର, ଚର୍ଚ୍ଚାରେ ବଙ୍ଗ ଶିଳ୍ପୀ

Ram Mandir themed Christmas cake: କୋଲକାତା: ଖ୍ରୀଷ୍ଟମାସ କେକ୍‌ରେ ରାମ ମନ୍ଦିରର ପ୍ରତିକୃତି । ଦେଖିଲେ ଲାଖି ଯାଉଛି ଆଖି । କେକ୍‌ରେ ମନ୍ଦିରର ପୁରା ମଡେଲ ଥିବା ବେଳେ ମନ୍ଦିର ପରିସରରେ ଖ୍ରୀଷ୍ଟମାସ ଟ୍ରି' ଲଗାଯାଇଛି । କେକ୍‌ଟି ନୀଳ, ବାଦାମୀ, ଗୋଲାପି, କମଳା ଆଦି ରଙ୍ଗରେ ପ୍ରସ୍ତୁତ କରାଯାଇଛି । ଯାହାକି ଦେଖିବାକୁ ଖୁବ ଆକର୍ଷଣୀୟ ଲାଗୁଛି । ଏଭଳି ଏକ ନିଆରା ଖ୍ରୀଷ୍ଟମାସ କେକ୍‌ ତିଆରି କରି ଚର୍ଚ୍ଚାକୁ ଆସିଛନ୍ତି ପଶ୍ଚିମବଙ୍ଗ ସିଲିଗୁଡ଼ି ଅଞ୍ଚଳରେ କେକ ଆର୍ଟିଷ୍ଟ ପ୍ରିୟଙ୍କା ଦେ' । ଏନେଇ ସେ କହିଛନ୍ତି, "ଆସନ୍ତା ଜାନୁଆରୀ ୨୨ ତାରିଖରେ ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ ଆୟୋଜିତ ହେବ । ମୁଁ ବହୁ ପୂର୍ବରୁ ରାମ ମନ୍ଦିର ସହିତ ଜଡ଼ିତ କିଛି କରିବାକୁ ଚାହୁଁଥିଲି । ଏଣୁ କେକରେ ମୁଁ ରାମ ମନ୍ଦିରର ପ୍ରତିକୃତି ତିଆରି କରିଛି ।"