ତାଳଚେରରେ ସହଧର୍ମିଣୀଙ୍କ ସହ ମହାଷ୍ଟମୀ ପୂଜା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଅନୁଗୋଳ: ଅନୁଗୋଳରେ ଆସି ମା'ଙ୍କ ନିକଟରେ ପୂଜାର୍ଚ୍ଚନା କରିଛନ୍ତି କେନ୍ଦ୍ରମନ୍ତ୍ରୀ । ଲଗାତାର ୨ ଦିନ ଧରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଜିଲ୍ଲାର ବିଭିନ୍ନ ସ୍ଥାନକୁ ଗସ୍ତ କରିଛନ୍ତି । ଶନିବାର ଅନୁଗୋଳରେ ପୂଜାର୍ଚ୍ଚନା କରିଥିବାବେଳେ ଆଜି ତାଳଚେରରେ ମା' ଦୁର୍ଗାଙ୍କ ନିକଟରେ ପରିବାର ସହ ପୂଜାର୍ଚ୍ଚନା କରିଛନ୍ତି । ଶାରଦୀୟ ଦୁର୍ଗାପୂଜାର ଅଷ୍ଟମୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ତାଙ୍କର ସହ ଧର୍ମିଣୀ ମୃଦୁଳା ଠାକୁର ପ୍ରଧାନ ତାଳଚେରର ସାଉଥବଲଣ୍ଡା ସ୍ଥିତ ଦୁର୍ଗା ମନ୍ଦିରଠାରେ ପହଞ୍ଚି ମା'ଙ୍କ ଅଷ୍ଟମୀ ପୂଜାରେ ସାମିଲ ହୋଇଥିଲେ । 

ମା'ଙ୍କୁ ଦର୍ଶନ କରିବା ସହ ପୂଜାର୍ଚ୍ଚନା କରିଛନ୍ତି ଧର୍ମେନ୍ଦ୍ର ଓ ତାଙ୍କ ପତ୍ନୀ । ତାଳଚେରର ସର୍ବପୁରାତନ ଏହି ଦୁର୍ଗା ମନ୍ଦିରରେ ପୂଜାର୍ଚ୍ଚନା କରିଥିବାରୁ ନିଜକୁ ଧନ୍ୟ ମନେକରିବା ସହ ପବିତ୍ର ଦୁର୍ଗାପୂଜାରେ ସମସ୍ତ ମଙ୍ଗଳ କାମନା କରିଛନ୍ତି କେନ୍ଦ୍ରମନ୍ତ୍ରୀ । ପରେ ତାଳଚେରର କର୍ଣ୍ଣପୁର ଶିବ ମନ୍ଦିର ସହ ମା' ହିଙ୍ଗୁଳାଙ୍କ ଦର୍ଶନ କରିବାର କାର୍ଯ୍ୟକ୍ରମ ରହିଥିଲା । 
 

ଇଟିଭି ଭାରତ, ଅନୁଗୋଳ