22ରେ ଗୋଦାବରୀ କୂଳରେ ଆଳତୀ କରିବି: ଉଦ୍ଧବ ଠାକରେ

Uddhav Thackeray on Ayodhya Ram Temple:  ମୁମ୍ବାଇ: " ଅଯୋଧ୍ୟାରେ ରାମ ମନ୍ଦିର ନିର୍ମାଣ କରିବା ନେଇ ମୋ ବାପା ବାଲା ସାହେବ ଠାକରେଙ୍କର ସ୍ବପ୍ନ ଥିଲା । ୨୨ରେ ମହାପ୍ରଭୁ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ । ଏହାକୁ ନେଇ ଆମେ ବହୁତ ଖୁସି ।  ତେବେ ଏହାକୁ ନେଇ ୪ ମଠର ଶଙ୍କରାଚାର୍ଯ୍ୟଙ୍କ ସହ ପରାମର୍ଶ କରାଯିବା ଉଚିତ ଥିଲା। "  ଜାନୁଆରୀ ୨୨ରେ ସେ ଗୋଦାବରୀ ନଦୀ କୂଳରେ ଆଳତୀ କରିବେ ବୋଲି କହିଛନ୍ତି ଉଦ୍ଧବ ଠାକରେ । ରାମ ମନ୍ଦିର ପ୍ରତିଷ୍ଠା ସମାରୋହ ସଂପର୍କିତ ଗଣମାଧ୍ୟମ ପ୍ରଶ୍ନର ଉତ୍ତର ଦେଇ ଏହି ପ୍ରତିକ୍ରିୟା ରଖିଛନ୍ତି ଉଦ୍ଧବ ।  

ସୂଚନା ଯୋଗ୍ୟ ଯେ, ୨୨ରେ ହେବାକୁ ଥିବା ରାମ ମନ୍ଦିର ପ୍ରତିଷ୍ଠା ଉତ୍ସବକୁ ଉଦ୍ଧବ ଠାକରେଙ୍କୁ ନିମନ୍ତ୍ରଣ କରାଯାଇନାହିଁ । ରାମ ମନ୍ଦିର ଟ୍ରଷ୍ଟ ପକ୍ଷରୁ ରାଜନୈତିକ ଦଳର ନେତାମାନଙ୍କୁ ନିମନ୍ତ୍ରଣ କରାଯାଇଥିବା ବେଳେ, ଉଦ୍ଧବଙ୍କୁ ନିଉତା ମିଳି ନଥିବା କୁହାଯାଉଛି ।       

ବ୍ୟୁରୋ ରିପୋର୍ଟ, ଇଟିଭି ଭାରତ