Watch: ପ୍ରଧାନମନ୍ତ୍ରୀଙ୍କୁ ରାଜଦଣ୍ଡ ହସ୍ତାନ୍ତର କଲେ ଅଧିନମ ମଠ ମହନ୍ତ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସେଙ୍ଗୋଲ ବା ‘ରାଜଦଣ୍ଡ' ହସ୍ତାନ୍ତର କରିଛନ୍ତି ତାମିଲନାଡୁରୁ ଆସିଥିବା 21 ଜଣିଆ ଅଧିନମ୍ ମଠ ମହନ୍ତ । ବୈଦିକ ରୀତିନୀତି ଅନୁସାରେ ମନ୍ତ୍ରଚ୍ଚାରଣ କରି ମହନ୍ତ ପ୍ରଧାନମନ୍ତ୍ରୀଙ୍କୁ ହସ୍ତାନ୍ତର କରିଛନ୍ତି । ଏଥିପାଇଁ ପ୍ରଧାନମନ୍ତ୍ରୀଙ୍କ ବାସଭବନରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା। କାର୍ଯ୍ୟକ୍ରମରେ ତାମିଲନାଡୁ  ଅଧିନମ୍ ମଠରୁ ଆସିଥିବା ମହନ୍ତଗଣ ମନ୍ତ୍ରଚ୍ଚାରଣ କରି ପ୍ରଧାମନ୍ତ୍ରୀଙ୍କୁ ସ୍ବାଗତ କରିବା ସହ ସେଙ୍ଗୋଲ ବା ରାଜଦଣ୍ଡକୁ ହସ୍ତାନ୍ତର କରିଥିଲେ । ଏହାକୁ ଆସନ୍ତାକାଲି ନୂଆ ସଂସଦ ଭବନ ଲୋକସଭା ବାଚସ୍ପତିଙ୍କ ଆସନ ପାର୍ଶ୍ବରେ ସ୍ଥାପିତ କରାଯଯିବ । ଆସନ୍ତାକାଲି ପ୍ରଧାନମନ୍ତ୍ରୀ ନୂଆ ସଂସଦ ଭବନକୁ ଉଦଘାଟନ କରିବେ । ଏଥିରେ 25ରୁ ଉର୍ଦ୍ଧ୍ବ ରାଜନୈତିକ ଦଳଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ସାମିଲ ହେବେ । ଉଦଘାଟନ ଉତ୍ସବ ପାଇଁ ଭବ୍ୟ କାର୍ଯ୍ୟକ୍ରମ ଆୟୋଜିତ ହେବ । କାଲି (ରବିବାର) ଦୁଇଟି ପର୍ଯ୍ୟାୟରେ ନୂଆ ସଂସଦ ଭବନ ଉଦଘାଟନ ହେବ ।