ରାସାୟନ ରଙ୍ଗକୁ ନା', ହର୍ବାଲ ହୋଲି ଖେଳିଲେ ରାଜଧାନୀବାସୀ

ଭୁବନେଶ୍ବର: ଆଜି ରଙ୍ଗର ପର୍ବ ହୋଲି । ଆଜି ପରସ୍ପରକୁ ସଭିଏଁ ଅବିର ବୋଲି ହେଲି ମନାଉଥିବା ବେଳେ ଗତକାଲି(ମଙ୍ଗଳବାର) ସ୍ବପ୍ନା ପତି ଫାଉଣ୍ଡେସନ ପକ୍ଷରୁ ହର୍ବାଲ ହୋଲି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଲିଭ୍ କେମିକାଲ ଗୋ ହର୍ବାଲର ବାର୍ତ୍ତା ନେଇ ସଭିଏଁ ହୋଲି ଖେଳିଛନ୍ତି । ହଳଦୀ, ଟମାଟୋ, ବିଟ୍ ଏବଂ ବିଭିନ୍ନ ଫୁଲରେ ତିଆରି ରଙ୍ଗରେ ହୋଲି ଖେଳିଲେ ସାଧାରଣ ଜନତା ।  

କେମିକାଲ ରଙ୍ଗ ଠାରୁ ଦୂରେଇ ରହି ହର୍ବାଲ ହୋଲି ଖେଳିବା ସମ୍ପର୍କରେ ଲୋକଙ୍କ ମଧ୍ୟରେ ସଚେତନ ସୃଷ୍ଟି କରାଇବା ଉଦ୍ଦେଶ୍ୟରେ ସ୍ବପ୍ନା ପତି ଫାଉଣ୍ଡେସନ ୧୨ ବର୍ଷ ହେଲା ଏହି ହୋଲିକୁ ଆୟୋଜନ କରିଆସୁଛି । ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଆକର୍ଷଣ ସାଜିଥିଲେ ବଲିଉଡ୍ ଅଭିନେତ୍ରୀ ଅମ୍ରିତା ରାଓ ଓ ଡିଜେ ଭେନସ୍ । ଦିବ୍ୟାଙ୍ଗ ପିଲାମାନଙ୍କ ଫ୍ୟାସନ ସୋ', ଲାଇଭ୍ ମ୍ୟୁଜିକ ସାଙ୍ଗକୁ ଫୋମ ଡ୍ୟାନ୍ସର ମଜା ନେଇଥିଲେ ଦର୍ଶକ । ତେବେ ହୋଲି କାର୍ଯ୍ୟକ୍ରମରେ ଅନେକ କଳାକାର ମଧ୍ୟ ଯୋଗ ଦେଇଥିଲେ । ଏହାକୁ ନେଇ ଅଧିକ ସୂଚନା ଦେଇଛନ୍ତି ଆମ ଭୁବନେଶ୍ୱର ସମ୍ବାଦଦାତା ଦେବସ୍ମିତା ରାଉତ । 

ଇଟିଭି ଭାରତ, ଭୁବନେଶ୍ବର