ଚିତ୍ରଶିଳ୍ପୀ ସୁଦର୍ଶନଙ୍କ କ୍ୟାମେରା ଲେନ୍ସରେ ବାଲୁକା କଳାକୃତିର ଅପୂର୍ବ ଦୃଶ୍ୟ

Breathtaking visual of Sand art: ପୁରୀ: ପ୍ରଭୁ ଜଗନ୍ନାଥଙ୍କୁ ପ୍ରଣାମ କରି ନୂଆ ବର୍ଷରେ ଉଦୟ ହୋଇଛନ୍ତି ସୂର୍ଯ୍ୟ ଦେବତା । ଇଂରାଜୀ ନବବର୍ଷକୁ ଓଡ଼ିଶାବାସୀ ବେଶ ଧୁମଧାମର ସହିତ ସ୍ବାଗତ କରିଛନ୍ତି । ଏହି ଅବସରରେ ପୁରୀ ବ୍ଲୁ ଫ୍ଲାଗ ବିଚରେ ସୁନ୍ଦର ବାଲୁକା କଳାକୃତିର ମନ ମୁଗ୍ଧକର ଦୃଶ୍ୟ ଦେଖିବାକୁ ମିଳିଛି । ବ୍ଲୁ ଫ୍ଲାଗ ବିଚରେ ବାଲକୁ ଶିଳ୍ପୀ ସୁଦର୍ଶନ ପଟ୍ଟନାୟକ ମହାପ୍ରଭୁଙ୍କ ବଡ ସିଂହାର ବେଶକୁ ଚିତ୍ରକଳାରେ ନିର୍ମାଣ କରିଛନ୍ତି । ଏହି ବାଲୁକା ଚିତ୍ରକଳାରେ ନବ ବର୍ଷର ଅଭିନନ୍ଦନ ସୁଦର୍ଶନ ସାରା ବିଶ୍ଵବାସୀଙ୍କୁ ଜଣାଇଛନ୍ତି । ଆଜି ନବ ବର୍ଷରେ ପ୍ରଥମ ସୂର୍ଯ୍ୟୋଦୟକୁ କ୍ୟାମେରାରେ ଉତ୍ତୋଳନ କରିଥଲେ ସୁଦର୍ଶନ। ଯାହାକି ବେଶ ଆକର୍ଷଣୀୟ ହୋଇଛି । ବାଲୁକା ଚିତ୍ରକଳାଟି ୨୫ ଫୁଟର ରହିଛି । ଏହି ନିଆରା ମନୋରମ ଦୃଶ୍ୟ ଦେଖିବାକୁ ବ୍ଲୁ ଫ୍ଲାଗ ବିଚରେ ଅନେକ ପର୍ଯ୍ୟଟକଙ୍କ ଭିଡ ହୋଇଥଲା ।