ଅଶୁଭ ସୋମବାର: କାଉଡ଼ିଆଙ୍କ ଅଟୋକୁ ଧକ୍କା ଦେଲା ଟ୍ରଲର, ୩ ମୃତ ୩ ଗୁରୁତର

କେନ୍ଦୁଝର: ଶ୍ରାବଣ ସୋମବାରରେ ଅଘଟଣ । ସକାଳେ ଗଞ୍ଜାମ ଜିଲ୍ଲାରେ କାର ଧକ୍କାରେ ୨ କାଉଡ଼ିଆଙ୍କ ମୃତ୍ୟୁ ହୋଇଥିବା ବେଳେ ସନ୍ଧ୍ୟାରେ ଆଉ ଏକ ଦୁଃଖଦ ଘଟଣା ଘଟିଛି । କେନ୍ଦୁଝର ଜିଲ୍ଲାରେ ଟ୍ରଲର ଧକ୍କାରେ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ଆହତ ହୋଇଛନ୍ତି । ତୁରୁମୁଙ୍ଗା ଥାନା ଅନ୍ତର୍ଗତ ଖିରେଇଟାଙ୍ଗିରି ଠାରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ସମସ୍ତ ଗୁରୁତରଙ୍କୁ କେନ୍ଦୁଝର ମୁଖ୍ୟ ଚିକତ୍ସାଳୟରେ ଭର୍ତ୍ତି କରାଯାଇଛି । 

ସୂଚନା ଅନୁୟାୟୀ, ତେଲକୋଇ ସନ୍ଥେଇଭଞ୍ଜ ଅଞ୍ଚଳର ୭ ଜଣ କାଉଡ଼ିଆ ପାଟଣା ଶିବ ମନ୍ଦିରରେ ପାଣି ଢାଳି ଫେରୁଥିଲେ । ୪୯ ନମ୍ବର ଜାତୀୟ ରାଜପଥର ଖୂରେଇ ଟାଙ୍ଗିରି ଟୋଲ ଗେଟ ନିକଟରେ ଏକ ଟ୍ରଲର ଉକ୍ତ ଅଟୋକୁ ପଛପଟୁ ଧକ୍କା ଦେଇ ଫେରାର ହୋଇ ଯାଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ମେଡ଼ିକାଲରେ ଆଉ ଦୁଇ ଜଣଙ୍କର ମୃତ୍ୟୁ ହୋଇଛି । ୩ ଜଣ ଗୁରୁତରଙ୍କ ଚିକିତ୍ସା ଜାରି ରହିଛି । ମୃତ ବ୍ୟକ୍ତି ଦିପୁ ନାଏକ, ଗୁରୁ ନାଏକ, ଲିଙ୍ଗା ନାଏକ ବୋଲି ଜଣାପଡିଛି । ତୁରୂମୁଙ୍ଗା ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
 

ଇଟିଭି ଭାରତ, କେନ୍ଦୁଝର