ବଲାଙ୍ଗୀରରେ ମୁଖ୍ୟ ଆକର୍ଷଣ ଚାରିଧାମ ତୋରଣ, ମଣ୍ଡପରେ ଜମୁଛି ଭକ୍ତଙ୍କ ଗହଳି

ବଲାଙ୍ଗୀର: ଦଶହରାକୁ ନେଇ ଚଳଚଞ୍ଚଳ ଗାଁଠୁ ସହର। ରବିବାର ମଣ୍ଡପଗୁଡିକରେ ଦେବୀ ଦୁର୍ଗାଙ୍କ ମହାଅଷ୍ଟମୀ ପୂଜା ଶେଷ ହୋଇଛି । ଶାରଦୀୟ ଦୁର୍ଗାପୂଜାରେ ମା ଦୁର୍ଗାଙ୍କ ଆଗମନ ପରେ ବଲାଙ୍ଗୀର ସହର ଭକ୍ତି ମୟ ହୋଇ ଉଠିଛି । ତନ୍ତ୍ରମନ୍ତ୍ରରେ ସାରା ସହର ଗୁଞ୍ଜରିତ ହେଉଛି । ତେବେ ଏହାରି ମଧ୍ୟରେ ଶୁଭ ମୁହୂର୍ତ୍ତରେ ମା'ଙ୍କ ସନ୍ଧି ପୂଜା ସମ୍ପନ୍ନ ହୋଇଛି ।  ଅଷ୍ଟମୀ ତିଥି ସରିବା ଓ ନବମୀ ତିଥି ପ୍ରବେଶ ମୁହୂର୍ତ୍ତରେ ମାଙ୍କ ଏହି ସନ୍ଧି ପୂଜା ହୋଇଥାଏ । ଯେଉଁଥିରେ 108 ପ୍ରକାର ପୁଷ୍ପ ଫଳ ଓ ଭୋଗ ମା'ଙ୍କ ଠାରେ ଲାଗି ହୋଇଥାଏ । ଭକ୍ତ ମାନେ ମଧ୍ୟ ଏହି ମୁହୂର୍ତ୍ତରେ ମନାସି ମଣ୍ଡପରେ ମାଙ୍କ ପୂଜାରେ ସାମିଲ ହୋଜ ଥାଆନ୍ତି । ଏହି ପୂଜନରେ ମା ସମସ୍ତଙ୍କ ଦୁଃଖ ହରଣ କରି ମାନସିକ ପୂରଣ କରିଥାଆନ୍ତି ବୋଲି ସମସ୍ତଙ୍କର ବିଶ୍ୱାସ ରହିଛି । ତେଣୁ  ବଲାଙ୍ଗୀର ସବୁ ଦୁର୍ଗା ମଣ୍ଡପରେ ଭକ୍ତଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି । ପୂଜା ସାଙ୍ଗକୁ ବଲାଙ୍ଗୀରର ବିଭିନ୍ନ ପୂଜା କମିଟିର ସ୍ୱତନ୍ତ୍ର ମେଢ଼ ତୋରଣ ଭକ୍ତଙ୍କୁ ବେଶ ଆକୃଷ୍ଟ କରିଛି ।  ରୁଗୁଡି ପଡାର ଭବ୍ୟ ମଣ୍ଡପ ସାଙ୍ଗକୁ ଲାଇଟ ସାଜସଜ୍ଜା ଭକ୍ତଙ୍କୁ ବେଶ ଆକୃଷ୍ଟ କରିଛି ।  

ପାଲେସ ଲାଇନ ପୂଜା କମିଟି ଏଥର ମଧ୍ୟ ମା'ଙ୍କ ନବ ଦିନାତ୍ମକ ପୂଜା କରୁଥିବା ବେଳେ ଭବ୍ୟ ମେଢ଼ ସହ କେଦାର ନାଥ ମନ୍ଦିର ସଦୃଶ ତୋରଣ ବେଶ ମନ ଛୁଆଁ ହୋଇଛି । ସେହିପରି ରାଜେନ୍ଦ୍ର ପଡ଼ା ଦୁର୍ଗା ପୂଜା କମିଟି ଏଥର ଅଯୋଧ୍ୟା ରାମ ମନ୍ଦିର ସଦୃଶ ବିରାଟ ତୋରଣ ତିଆରି କରିଛି । ଯାହା ଲୋକଙ୍କୁ ବେଶ ଆକୃଷ୍ଟ କରିଛି । ଜଗନ୍ନାଥପଡ଼ା ଦୁର୍ଗା ପୂଜା କମିଟି ଏଥର ନିଜର ସ୍ୱତ ପ୍ରଚେଷ୍ଠାରେ ଚାରି ଧାମ ସଦୃଶ ତୋରଣ ତିଆରି କରିଛି । ପୁରୀ ଜଗନ୍ନାଥ ଧାମର ମୁଖ୍ୟ ତୋରଣ ସମସ୍ତଙ୍କୁ ବେଶପସନ୍ଦ ଆସିଛି ।  

ଇଟିଭି ଭାରତ, ବଲାଙ୍ଗୀର