Ratha Yatra 2023: ବଳଭଦ୍ରଙ୍କ ପହଣ୍ଡି ବିଜେ ନୀତି ଆରମ୍ଭ

ପୁରୀ: ଆଜି ପବିତ୍ର ରଥଯାତ୍ରା ।  ଆରମ୍ଭ ହୋଇଯାଇଛି ଚତୁର୍ଦ୍ଧାମୂର୍ତ୍ତୀଙ୍କ ପହଣ୍ଡି ବିଜେ ନୀତି । ଚକ୍ରରାଜ ସୁଦର୍ଶନଙ୍କ ପରେ ଆରମ୍ଭ ହୋଇଛି ବଳଭଦ୍ରଙ୍କ ପହଣ୍ଡି ବିଜେ ନୀତି । ଧାଡ଼ି ପହଣ୍ଡି ନୀତିରେ ସେବାୟତମାନେ ପ୍ରଭୁ ଶ୍ରୀ ବଳଭଦ୍ରଙ୍କୁ ରତ୍ନବେଦୀରୁ ରଥକୁ ଆଣୁଛନ୍ତି । ବଳଭଦ୍ରଙ୍କ ଝୁଲିଝୁଲି ଆସିବାର ଦୃଶ୍ୟ ସଭିଙ୍କୁ ବିମୋହିତ କରୁଛି । ବଡ଼ଭାଇଙ୍କ ପରେ ଭଉଣୀ ସୁଭଦ୍ରାଙ୍କ ପହଣ୍ଡି ବିଜେ ନୀତି ଆରମ୍ଭ ହେବ । ଆଜି ରଥାରୁଢ ହେବା ପରେ ମାଉଁସୀ ଘର ଅଭିମୁଖେ ବାହାରିବେ ଜଗନ୍ନାଥ , ବଳଭଦ୍ର ଓ ଦେବୀ ସୁଭଦ୍ରା । କାଳିଆକୁ ଦେଖିବାକୁ ବଡ଼ଦାଣ୍ଡରେ ଭକ୍ତଙ୍କ ଅସମ୍ଭାଳ ଭିଡ଼ । ଜନସମୁଦ୍ର ପାଲଟିଛି ବଡ଼ଦାଣ୍ଡ । କାହିଁ କେତେ ଦୂରରୁ ଜଗାକୁ ଦେଖିବାକୁ ପୁରୀକୁ ଧାଇଁ ଆସିଛନ୍ତି ଭକ୍ତ । ଅପରାହ୍ନ 4 ଟାରେ ରଥଟଣା ଆରମ୍ଭ ହେବା ନେଇ ନୀତି ନିର୍ଘଣ୍ଟ ହୋଇଛି ।  

ଇଟିଭି ଭାରତ, ପୁରୀ