Raghubar Das offers prayers at Lingaraj Temple: ପ୍ରଭୁ ଲିଙ୍ଗରାଜଙ୍କ ଆଶୀର୍ବାଦ ନେଲେ ନୂଆ ରାଜ୍ୟପାଳ

ଭୁବନେଶ୍ବର: ଓଡିଶା ରାଜ୍ୟପାଳ ଭାବେ ଶପଥ ଗ୍ରହଣ ପୂର୍ବରୁ  ପ୍ରଭୁ ଲିଙ୍ଗରାଜଙ୍କ ଆଶୀର୍ବାଦ ନେଲେ ନୂଆ ରାଜ୍ୟପାଳ ରଘୁବର ଦାସ । ସପରିବାର ଲିଙ୍ଗରାଜ ମନ୍ଦିରକୁ ଆସି ପୂଜାର୍ଚ୍ଚନା କରିବା ସହିତ ବାବାଙ୍କ ଆଶୀର୍ବାଦ କାମନା କରିଛନ୍ତି । ପୂଜାର୍ଚ୍ଚନା ପରେ ଏନେଇ ନୂଆ ରାଜ୍ୟପାଳ ରଘୁବର ଦାସ କହିଛନ୍ତି, ‘‘ବିଶ୍ବ ବିଖ୍ୟାତ ଶୈବକ୍ଷେତ୍ର ପ୍ରଭୁ ଲିଙ୍ଗରାଜଙ୍କ ଦର୍ଶନ କଲି। ମହାରାଜ ଲିଙ୍ଗରାଜଙ୍କ ଆଶିର୍ବାଦ ନେଲି। ଓଡିଶା ଓ ଦେଶର ବିକାଶ ଶୀର୍ଷରେ  ପହଞ୍ଚୁ ଏହାହିଁ ପ୍ରଭୁ ଲିଙ୍ଗରାଜଙ୍କ ନିକଟରେ ପ୍ରାର୍ଥନା କରିଛି ।’’

ଲିଙ୍ଗରାଜ ମନ୍ଦିରରେ ରାଜ୍ୟପାଳ ଗଣେଶ ମନ୍ଦିର, ବଡ ଗଣେଶ ମନ୍ଦିର, ପାର୍ବତୀ ମନ୍ଦିର, ଭୁବନେଶ୍ବରୀଙ୍କୁ ଦର୍ଶନ ପରେ ବୃଷଭ କାନରେ ନିଜ ମନସ୍କାମନା କହିଛନ୍ତି ।  ବଡୁ ନିଯୋଗ ସମ୍ପାଦକ କମଳାକାନ୍ତ ବଡୁ ରାଜ୍ୟପାଳଙ୍କ ମନ୍ଦିର ପୂଜାର୍ଚ୍ଚନା କରାଇବା ସହ ବେଢା ପରିକ୍ରମା କରାଇଛନ୍ତି। ଫେରିବା ସମୟରେ ସାଙ୍ଗରେ ଲିଙ୍ଗରାଜଙ୍କ ପତାକା ଓ ଶୁଖିଲା ଭୋଗ ନେଇଛନ୍ତି ରାଜ୍ୟପାଳ।  

ଇଟିଭି ଭାରତ, ଭୁବନେଶ୍ବର