Viral Video: ପାକିସ୍ତାନରେ ଲାଇଭ ଟିଭି ଶୋ'ରେ ନେତାଙ୍କ ମଧ୍ୟରେ ମାରପିଟ୍‌, ଦୁର୍ନୀତି ଥିଲା ବିଷୟବସ୍ତୁ

ଇସଲାମବାଦ: ଲାଇଭ ଟିଭି ଶୋ'ରେ ଚାଲିଥିଲା ତର୍କ ବିତର୍କ । ଟିଭି ଉପସ୍ଥାପିକଙ୍କ ପ୍ରଶ୍ନର ଉତ୍ତର ରଖୁଥିଲେ 2 ରାଜନେତା । ହେଲେ ହଠାତ ଟିଭି ସ୍କ୍ରିନରେ ଉଡିଲା ବିଧା, ଗୋଇଠା, ଚାପୁଡା । ଲାଇଭ ଟିଭି ଶୋ'ରେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପାର୍ଟି ପିଟିଆଇ ନେତା ଶେର ଅଫଜଲ ଖାନ ମରୱତ ଓ PML-N ସାଂସଦ ଅଫନାନ ଉଲ୍ଲାଙ୍କ ମଧ୍ୟରେ ମାରପିଟ ଭଳି ସ୍ଥିତି ଉପୁଜିଥିଲା । ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ ଉଭୟ 'ଦୁର୍ନୀତି' ବିଷୟବସ୍ତୁ ସମ୍ପର୍କରେ ନିଜ ନିଜର ପକ୍ଷ ରଖୁଥିଲେ । ଶେର ମରୱତ ହଠାତ୍‌ ନିଜ ସିଟ୍‌ରୁ ଉଠି ଅଫନାନଙ୍କ ଉପରେ ଆକ୍ରମଣ କରିଥିଲେ । ଏହି ସମୟରେ ଟିଭି ଉପସ୍ଥାପକ ଜାଭେଦ ଚୌଧୁରୀ ଉଭୟଙ୍କୁ ଏନେଇ ବାରଣ କରିଥିଲେ । ହେଲେ ସେମାନେ ଷ୍ଟୁଡିଓ ଚଟାଣରେ ପଡ଼ି ମାରପିଟ ହୋଇଥିଲା, ଯାହାକୁ ଷ୍ଟୁ଼ଡିଓର ଷ୍ଟିଲ କ୍ୟାମେରା ମଧ୍ୟ ରେକର୍ଡ କରିପାରିନଥିଲା । ଦେଖନ୍ତୁ ଏହି ଭାଇରାଲ ଭିଡିଓ