ଟ୍ରେନ୍‌ରେ ଅଧିକ ବଗି ଲଗାଇବା ଦାବି, ଟ୍ରେନ୍‌ ଅଟକାଇ ପ୍ରତିବାଦ କଲେ ଯାତ୍ରୀ

ଖୋର୍ଦ୍ଧା: ଟ୍ରେନ୍‌ ଅଟକାଇ ରେଳ ଧାରଣାରେ ଯାତ୍ରୀଙ୍କ ଧାରଣା । ଖୋର୍ଦ୍ଧା ରୋଡ୍‌ ଷ୍ଟେସନ ନିକଟସ୍ଥ ତାପଙ୍ଗ ଷ୍ଟେସନରେ ଏଭଳି ଦୃଶ୍ୟ ଦେଖିବାକୁ ମିଳିଛି । ତାପଙ୍ଗ ଷ୍ଟେସନରେ ପଲାସା-କଟକ ଟ୍ରେନ୍‌କୁ ଅଟକାଇବା ସହ ଟ୍ରେନ ସମ୍ମୁଖରେ ଧାରଣା ଦେଇଛନ୍ତି ଯାତ୍ରୀ । ଟ୍ରେନ୍‌ ଆଗରେ ଠିଆହୋଇ କରିଛନ୍ତି ପ୍ରତିବାଦ । ଟ୍ରେନ୍‌ରେ ଅଧିକା ବଗି ଲଗାଇବା ଦାବିରେ ଧାରଣା ଦେଇଥିଲେ ଯାତ୍ରୀ । ଫଳରେ ଅଧଘଣ୍ଟାରୁ ଊର୍ଦ୍ଧ୍ବ ସମୟ ଧରି ଅଟକି ରହିଥିଲା ଟ୍ରେନ୍‌ । ତେବେ ନିୟମିତ ଭାବେରେ ବିଭିନ୍ନ କାମରେ ଭୁବନେଶ୍ୱରକୁ ଯାତ୍ରା କରୁଛନ୍ତି ଏହି ଅଞ୍ଚଳର ଯାତ୍ରୀ ।  ଅନେକ ସରକାରୀ ଆଉ ବେସରକାରୀ ଚାକିରିଆ ବି ନିର୍ଭର କରନ୍ତି ଏହି ପଲାସା-କଟକ ଟ୍ରେନ ଉପରେ । ହେଲେ ଏହି ଟ୍ରେନଟିରେ ବଗି କମ ଥିବାରୁ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି ଯାତ୍ରୀ । ତେଣୁ ଏହାକୁ ନେଇ ଆଜି ତାପଙ୍ଗ ଷ୍ଟେସନ ଠାରେ ପ୍ରତିବାଦ କରିଛନ୍ତି ଯାତ୍ରୀ ।

ଇଟିଭି ଭାରତ, ଖୋର୍ଦ୍ଧା