WATCH VIDEO: ମହିଳା ଅଫିସରଙ୍କଠୁ ଛତା ଛଡାଇ ଟ୍ରୋଲ ହେଲେ ପାକ୍‌ ପ୍ରଧାନମନ୍ତ୍ରୀ

ପ୍ୟାରିସ: ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ଶରିଫ ଗ୍ଲୋବାଲ ଫାଇନାନ୍ସିଂ ପ୍ୟାକ୍ଟ ସମିଟ୍‌ ଲାଗି ୨ ଦିନିଆ ପ୍ୟାରିସ ଗସ୍ତରେ ରହିଛନ୍ତି । ସେଠାରେ ସେ ବିଶ୍ବ ନେତା ସାଉଦି କିଙ୍ଗ ସଲମାନ ବିନ ଅବଦୁଲାଜିଜ, ଫ୍ରେଞ୍ଚ ରାଷ୍ଟ୍ରପତି ଇମାନୁଏଲ ମାକ୍ରନ, ଇଜିପ୍ଟ ରାଷ୍ଟ୍ରପତି ଅବଦେଲ ଫତାହ ଅଲ-ସିସିଙ୍କୁ ଭେଟିବେ । ହେଲେ ଏହି ବିଶ୍ବ ନେତାଙ୍କ ସହିତ ବୈଠକ ପରିବର୍ତ୍ତେ ଅନ୍ୟ ଏକ ଘଟଣାକୁ ନେଇ ଏବେ ଖବରର ଶିରୋନାମାରେ ରହିଛନ୍ତି ପାକ୍‌ ପ୍ରଧାନମନ୍ତ୍ରୀ । ତାଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଜଣେ ମହିଳା ଅଫିସରଙ୍କଠୁ ଛତା ଛଡାଇନେବାର ଦେଖିବାକୁ ମିଳିଛି । ବର୍ଷା ହେଉଥିବା ବେଳେ ମହିଳା କର୍ମଚାରୀ ଜଣକ ତାଙ୍କୁ ଛତା ଦେଖାଉଥିବା ବେଳେ ପାକ ପ୍ରଧାନମନ୍ତ୍ରୀ ତାଙ୍କଠୁ ଛତା ଛଡ଼ାଇ ନେଇ ଚାଲିଯାଉଛନ୍ତି । ଏହି ଭିଡିଓଟି ପାକ୍‌ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି କରାଯିବା ପରେ ଶେହବାଜ ଟ୍ରୋଲର ଶିକାର ହୋଇଛନ୍ତି । ଦେଖନ୍ତୁ ଭିଡିଓ