କୂଅ ମରାମତି ବେଳେ ଧସିଲା ମାଟି, ଫସି ରହିଛନ୍ତି ଯୁବକ

ଥିରୁଅନନ୍ତପୁରମ: କେରଳର ଥିରୁଅନନ୍ତପୁରମ ଜିଲ୍ଲାରେ ଏକ କୂଅ ମରାମତି ବେଳେ ଧସିଲା ମାଟି ଅତଡା । ମରାମତି କାର୍ଯ୍ୟ କରୁଥିବା ଜଣେ 55 ବର୍ଷୀୟ ବ୍ୟକ୍ତି ଗଭୀର କୂଅ ମଧ୍ୟରେ ମାଡି ଅତଡା ତଳେ ଫସି ରହିଛନ୍ତି । ତାଙ୍କୁ ଉଦ୍ଧାର କରିବା ପାଇଁ ଅପରେସନ ଆରମ୍ଭ ହୋଇଛି । ସ୍ଥାନୀୟ ଅଗ୍ନିଶମ ଟିମ ସହ ପୋଲିସ ଟିମ ମଧ୍ୟ ଏହି ଉଦ୍ଧାର ଅପରେସନ ଜାରି ରଖିଛନ୍ତି । ସ୍ଥାନୀୟ ଲୋକେ ମଧ୍ୟ ଉଦ୍ଧାରକାରୀ ଟିମକୁ ସହଯୋଗ କରୁଛନ୍ତି । କୂଅରୁ ମାଟି ବାହାର କରାଯାଇ ଧିରେ ଧିରେ ଏହି ବ୍ୟକ୍ତିଙ୍କ ନିକଟତର ହେଉଛି ଉଦ୍ଧାରକାରୀ ଟିମ । ସ୍ଥାନୀୟ ଲୋକଙ୍କ କହିବା ଅନୁସାରେ, ଏହି ବ୍ୟକ୍ତିଜଣଙ୍କ କୂଅ ମରାମତି କରିବା ପାଇଁ ଗଭୀର କୂଅ ମଧ୍ୟରେ ପ୍ରବେଶ କରିଥିଲେ । ସେ ମରାମତି କାର୍ଯ୍ୟ ଜାରି ରଖିଥିବା ବେଳେ ହଠାତ ମାଟି ଧସିବାରୁ ସେ ପୋତି ହୋଇପଡିଥିଲେ । ଗ୍ରାମବାସୀ ପ୍ରଶାସନକୁ ସୂଚନା ଦେବା ସହ ଉଦ୍ଧାର ପାଇଁ ପ୍ରୟାସ ଆରମ୍ଭ କରିଥିଲେ । ପୋଲିସ ଓ ଫାଏର ଟିମ ପହଞ୍ଚି ଉଦ୍ଧାର ଅପରେସନ ଜାରି ରଖିଛନ୍ତି ।