କ୍ରିକେଟ ପରେ ଏବେ ଟେନିସ୍ ଖେଳୁଛନ୍ତି କ୍ୟାପଟେନ୍ କୁଲ୍, ଷ୍ଟାଡିୟମରେ ପ୍ରଶଂସକଙ୍କ ଭିଡ

ରାଞ୍ଚି: କେବଳ କ୍ରିକେଟ ନୁହେଁ ଟେନିସ୍‌ରେ ବି ମାହିର କ୍ୟାପଟେନ କୁଲ୍ । ଭାରତର ପୂର୍ବତନ ଅଧିନାୟକ ତଥା କ୍ୟାପଟେନ୍ କୁଲ୍ ମହେନ୍ଦ୍ର ସିଂ ଧୋନୀ ଟେନିସ୍ ଖେଳୁଥିବାର ନଜର ଆସିଛନ୍ତି । ଝାଡଖଣ୍ଡ ରାଞ୍ଜିଠାରେ ଜେଏସ୍‌ସିଏର କଣ୍ଟ୍ରି କ୍ରିକେଟ କ୍ଲବ ପକ୍ଷରୁ ଆୟୋଜିତ ଟେନିସ୍ ଟୁର୍ଣ୍ଣାମେଣ୍ଟରେ ଧୋନୀ ଭାଗ ନେଇଛନ୍ତି । ଏହି ଟୁର୍ଣ୍ଣାମେଣ୍ଟରେ କ୍ୟାପଟେନ୍ କୁଲ୍ ତାଙ୍କ ପାର୍ଟନର ସୁମିତଙ୍କ ସହିତ ପ୍ରଥମ ମ୍ୟାଚରେ ବିଜୟ ହାସଲ କରିଛନ୍ତି । ମଙ୍ଗଳବାର ଖେଳାଯାଇଥିବା ଡବଲ୍ସ ମ୍ୟାଚରେ ଧୋନୀ ସୁମିତ୍ ବଜାଜଙ୍କ ସହିତ ପ୍ରତିଦ୍ବନ୍ଦୀ ଗୋବିନ୍ଦ ଝା ଏବଂ ହିମାଂଶୁଙ୍କୁ ପରାସ୍ତ କରିଛନ୍ତି । ପୂର୍ବ ବର୍ଷ କଣ୍ଟ୍ରି କ୍ରିକେଟ କ୍ଲବ ଟେନିସ୍ ଟୁର୍ଣ୍ଣାମେଣ୍ଟରେ ଭାଗ ନେଇ ଧୋନୀ ଟୁର୍ଣ୍ଣାମେଣ୍ଟ ଟାଇଟଲ ହତେଇଥିଲେ । ଜେଏସ୍‌ସିଏ ଷ୍ଟାଡିୟରେ ଧୋନୀଙ୍କୁ ଦେଖିବା ପାଇଁ ପ୍ରଶଂସକଙ୍କର ଭିଡ ଜମି ଥିଲା ।