ରାଉରକେଲା ଜଗନ୍ନାଥ ମନ୍ଦିର ସଫେଇ କଲେ ସାଂସଦ ଜୁଏଲ ଓରାମ

ରାଉରକେଲା: ରାମ ମନ୍ଦିର ପ୍ରତିଷ୍ଠାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନ କ୍ରମେ ସ୍ୱଚ୍ଛ ହେଉଛି ସମସ୍ତ ମନ୍ଦିର । ରାଉରକେଲାରେ ମନ୍ଦିର ସ୍ୱଚ୍ଛତା କାର୍ଯ୍ୟକ୍ରମରେ ଭାଗନେଇ ମନ୍ଦିର ସ୍ୱଚ୍ଛ କଲେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ ସାଂସଦ ଜୁଏଲ ଓରାମ । ଅଯୋଧ୍ୟା ରାମ ମନ୍ଦିର ଉଦ୍ଘାଟନ ପୂର୍ବରୁ ଦେଶରେ ସମସ୍ତ ମନ୍ଦିର ଗୁଡିକକୁ ସ୍ବଚ୍ଛ କରିବା ପାଇଁ ଆହ୍ବାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି କ୍ରମରେ ରାଜ୍ୟରେ ମନ୍ଦିର ସଫେଇ ଅଭିଯାନ କାର୍ଯ୍ୟକ୍ରମ ଜାରି ରହିଛି । 

ସୁନ୍ଦରଗଡ ଜିଲ୍ଲାରେ ମନ୍ଦିର ସଫେଇ ଅଭିଯାନର ନେତୃତ୍ୱ ନେଇ ପୂର୍ବତନ କେନ୍ଦ୍ର ମନ୍ତ୍ରୀ ସୁନ୍ଦରଗଡ଼ ସାଂସଦ ଜୁଏଲ ଓରାମ ରାଉରକେଲା ସହରର ସେକ୍ଟର 3ରେ ଥିବା ଶ୍ରୀଜଗନ୍ନାଥ ମନ୍ଦିର ପରିସରକୁ ସ୍ୱଚ୍ଛ କରୁଥିବା ଦେଖିବାକୁ ମିଳିଛି । ତେବେ ଜୁଏଲ ଓରାମଙ୍କ ନେତୃତ୍ୱରେ ବିଜେପି ପାନପୋଷ ସାଙ୍ଗଠନିକ ଜିଲ୍ଲାର ସଦସ୍ୟମାନେ ରାଉରକେଲା ଅଞ୍ଚଳରେ ଥିବା ବିଭିନ୍ନ ମନ୍ଦିର ପ୍ରାଙ୍ଗଣର ସ୍ଵଚ୍ଛତା କାର୍ଯ୍ୟକ୍ରମ କରିଥିଲେ ।

ଇଟିଭି ଭାରତ, ରାଉରକେଲା