ଟ୍ରେନରେ କଟି ଯୁବକ ଗୁରୁତର

ନୂଆପଡା: ନୂଆପଡା ଜିଲ୍ଲା ଖଡିଆଳ ରୋଡ୍ ରେଳ ଷ୍ଟେସନରେ ଦୁର୍ଘଟଣା । ଟ୍ରେନରେ ଚଢ଼ୁଥିବା ବେଳେ ଅଘଟଣ । ଭାରସାମ୍ୟ ହରାଇ ଟ୍ରେନ୍‌ ଲାଇନରେ ପଡିଗଲେ ଯୁବକ । ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଥିବା ବେଳେ ସେଠାରେ ଚିକିତ୍ସା ଜାରି ରହିଛି । 

ସୂଚନା ଅନୁଯାୟୀ, ନୂଆପଡା ଜିଲ୍ଲା ଖଡିଆଳ ରୋଡ୍ ରେଳ ଷ୍ଟେସନରେ ପୁରୀ-ଦୁର୍ଗ ଇଣ୍ଟରସିଟି ଏକ୍ସପ୍ରେସରେ ଚଢୁଥିବା ବେଳେ ଜଣେ ଯୁବକ ଭାରସାମ୍ୟ ହରାଇ ହଠାତ ଟ୍ରେନ ଲାଇନରେ ପଡିଯାଇଥିଲେ । ଟ୍ରେନଟି ଚଢିଯିବାରୁ ତାଙ୍କର ଗୋଟିଏ ଗୋଡ ଓ ହାତ କଟିଯାଇଥିଲା । ତେବେ ଅଚେତ ଓ ରକ୍ତ ଜୁଡୁବୁଡୁ ଅବସ୍ଥାରେ ଖଡ଼ିଆଳ ରୋଡ ରେଳବାଇ ପୋଲିସ ତାଙ୍କୁ ଉଦ୍ଧାର କରି ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ସେଠାରେ ତାଙ୍କ ଚିକିତ୍ସା ଜାରି ରହିଛି । ଗୁରୁତର ଯୁବକ ଜଣକ ବରଗଡ଼ ଜିଲ୍ଲା ଝାରବନ୍ଧ ବ୍ଲକ ଡଙ୍ଗରି ଗାଁର ବୋଲି ଜଣାପଡିଥିବା ବେଳେ ପୋଲିସ ତଦନ୍ତ ଜାରି ରଖିଛି । 
 

ଇଟିଭି ଭାରତ,ନୂଆପଡା