ଦିଲ୍ଲୀରେ ଯୁବତୀଙ୍କୁ କାର ଘୋଷାଡିବା ଘଟଣା, ବିଭିନ୍ନ ସ୍ଥାନରେ ବିକ୍ଷୋଭ

ହାଇଦ୍ରାବାଦ: ଦିଲ୍ଲୀର ସୁଲତାନପୁରୀ ଅଞ୍ଚଳରେ ସ୍କୁଟି ଆରୋହୀ ଯୁବତୀଙ୍କୁ ଏକ କାର କିଛି କି.ମି ଘୋଷାଡି ନେବା ଓ ତାଙ୍କର ମୃତ୍ୟୁ ହେବା ଘଟଣାରେ ପ୍ରତିବାଦ ଦେଖିବାକୁ ମିଳିଛି (lady dragged kms by a car case)। ଆଜି ଉତ୍ୟେକ୍ତ ଲୋକେ ସୁଲତାନପୁରୀ ଥାନା ଘେରିବାକୁ ଉଦ୍ୟମ କରିଛନ୍ତି । ସେହିପରି ଆମ ଆଦମୀ ପାର୍ଟି କର୍ମୀ ଓ ସମର୍ଥକ ଉପରାଜ୍ୟପାଳ ବିନୟ ସକ୍ସେନାଙ୍କ ବାସଭବନ ଘେରାଉ କରିଛନ୍ତି । ଉଭୟ ସ୍ଥାନରେ ପୋଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି । ଗତକାଲି (ନୂଆବର୍ଷ)ରେ ଜଣେ ସ୍କୁଟି ଆରୋହୀ ଯୁବତୀଙ୍କୁ ଏକ ସୁଜୁକି ବାଲୋନୋ କାର ଧକ୍କା ଦେବା ପରେ କିଛି କି.ମି ଘୋଷାଡି ନେଇଥିଲା । ଏଥିରେ ଯୁବତୀଙ୍କ ମୃତ୍ୟୁ ହେବା ସହ ମୃତଦେହ ଉଲଗ୍ନ ଅବସ୍ଥାରେ ଉଦ୍ଧାର ହୋଇଥିଲା । ଏହି ଘଟଣାରେ ସମ୍ପୃକ୍ତ 5ଯୁବକଙ୍କୁ ଗିରଫ କରିଛି ପୋଲିସ ।