WATCH VIDEO: କୁନି ପୁଅ କରୁଛି ପୂଜା, ଭିଡିଓ ଭାଇରଲ

ଖୋର୍ଦ୍ଧା: ବୟସ ମାତ୍ର ୪ ବର୍ଷ । ଆଉ ଏଇ ବୟସରେ ମନ୍ତ୍ର ଓ ଶ୍ଳୋକକୁ କଣ୍ଠସ୍ଥ କରିଛି ଖୋର୍ଦ୍ଧା ଜିଲ୍ଲାର କୁନି ପୁଅ ଅବିନାଶ ପଣ୍ଡା । ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ କଣ୍ଟାବାଡ଼ ସରସ୍ବତୀ ଶିଶୁ ମନ୍ଦିରର ପ୍ରାରମ୍ଭର ଛାତ୍ର । ଅବିନାଶ ପୂର୍ବରୁ ବହୁ ଶ୍ଳୋକ ମନ୍ତ୍ର, ଜାତୀୟ ସଙ୍ଗୀତ ଓ ଗପ କହି ସୋସିଆଲ ମିଡିଆରେ ବେଶ ଭାଇରାଲ ହୋଇଥିବା ବେଳେ  ଆଜି ଦଶହରା ଅବସରରେ ପୂଜା କରୁଥିବାର ଭିଡିଓ ସାମ୍ନାକୁ ଆସିଛି । ମନ୍ତ୍ରର ସ୍ପଷ୍ଟ ଉଚ୍ଚାରଣ ସହ ଏ ବୟସରୁ ଈଶ୍ବର ଭକ୍ତି ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଏହି ଭିଡିଓକୁ ସୋସିଆଲ ମିଡିଆ ୟୁଜର୍ସ ବେଶ ପସନ୍ଦ କରିଥିବା ବେଳେ ଧୀରେ ଧୀରେ ଏହା ଭାଇରାଲ ହେବାରେ ଲାଗିଛି । ଗୋଟିଏ ପଟେ ଆଜିର ଯୁବପିଢି ଭାରତୀୟ ସଂସ୍କୃତିକୁ ଭୁଲି ଯାଇ ପାଶ୍ଚାତ୍ୟ ଦେଶର ଚାଲିଚଳଣିକୁ ଆପଣାଉଛନ୍ତି । ହେଲେ କୁନି ପୁଅ ଅବିନାଶର ଏହି ଈଶ୍ବର ଭକ୍ତିକୁ ସାଧାରଣରେ ବେଶ ପ୍ରଶଂସା କରାଯାଇଛି ।