ଅନ୍ତର୍ଜାତୀୟ ପ୍ରତିଯୋତାଗରେ ବିଶ୍ଵର ଶ୍ରେଷ୍ଠ 3ଟି ପୌରପରିଷଦ ମଧ୍ୟରେ ଜଟଣୀ, ମୁଖ୍ୟମନ୍ତ୍ରୀଙ୍କୁ ଶ୍ରେୟ ଦେଲେ ପୌରାଧ୍ୟକ୍ଷ

ୟୁ ଏନ୍ ହାବଟାଟ୍ ‘ୟଙ୍ଗ୍ ଗେମ୍ ଚେଞ୍ଜର ଇନିସିଏଟିଭ୍’ ଅନ୍ତର୍ଜାତୀୟ ପ୍ରତିଯୋଗିତାରେ ବିଶ୍ଵର 3ଟି ପୌର ପରିଷଦ ମଧ୍ୟରେ ଜଟଣୀ ସ୍ଥାନ ପାଇଛି । ଏଥିରେ କଲମ୍ବିଆର ଆର୍ମେନିଆ ଏବଂ ସେନେଗାଲ ଦେଶର ବାଗ୍ମୀ ସହର ମଧ୍ୟ ସ୍ଥାନ ପାଇଛି । ମିଳିତ ଜାତିସଂଘ ପକ୍ଷରୁ ବିଶ୍ବ ସ୍ଵାସ୍ଥ୍ୟ ସଂଗଠନ ଏବଂ ‘ବ୍ଲକ ବାଇ ବ୍ଲକ ଫାଉଗେସନ'ର ମିଳିତ ସହଯୋଗରେ ସମଗ୍ର ବିଶ୍ଵର ପ୍ରଗତିଶୀଳ ନଗରୀ ମାନଙ୍କ ମଧ୍ୟରେ ଯୁବବର୍ଗଙ୍କ ସ୍ଵାସ୍ଥରେ ଉନ୍ନତି ଆଣିବା ପାଇଁ ଗ୍ରହଣ କରାଯାଇଥିବା ପଦକ୍ଷେପ ତ୍ଵରାନ୍ବିତ କରିବା ପାଇଁ ୩ ବର୍ଷ ଅବଧି ବଶିଷ୍ଟ ସ୍ଵତନ୍ତ୍ର ପ୍ରକଳ୍ପ ହାତକୁ ନିଆଯାଇଛି । ଏହାକୁ ନେଇ ଜଟଣୀବାସୀ ଖୁସିବ୍ୟକ୍ତ କରିଥିବାବେଳେ ଜଟଣୀ ପୌରପରିଷଦର ଅଧ୍ୟକ୍ଷ ଅନନ୍ତ ବେହେରା ମୁଖ୍ଯମନ୍ତ୍ରୀ ଏବଂ ଜଟଣୀବାସୀଙ୍କୁ ଏହାର ଶ୍ରେୟ ଦେଇଛନ୍ତି । ଇଟିଭି ଭାରତ, ଖୋର୍ଦ୍ଧା