Holi in Vrindavan: ବୃନ୍ଦାବନରେ ହୋଲି ଖେଳିଲେ ସାଧୁସନ୍ଥ

ବୃନ୍ଦାବନ: ଆଜି ଦୋଳ ପୂର୍ଣ୍ଣିମା । ସାରା ଦେଶ ଉତ୍ସବ ମୁଖର । କାଶ୍ମୀରରୁ କନ୍ୟାକୁମାରୀ କଚ୍ଛରୁ କୋହିମା ଯାଏଁ ରଙ୍ଗମୟ । ହୋଲି ଉତ୍ସବକୁ  ନେଇ ସବୁଠି ଭବ୍ଯ ଆୟୋଜନ । ମଠ ମନ୍ଦିର ଠାରୁ ଆରମ୍ଭ କରି ଦେବସ୍ଥଳୀରେ ଚାଲିଛି ସ୍ବତନ୍ତ୍ରନୀତିକାନ୍ତି ପୂଜାପାଠ । ପୁଣ୍ୟଭୂମି ଭାରତବର୍ଷରେ ପର୍ବପର୍ବାଣୀର ବିଶେଷତ୍ବ ବେଶ ଗମ୍ଭୀର । ଆଜି ଦୋଳ ପୂର୍ଣ୍ଣିମା ଅବସରରେ ବୃନ୍ଦାବନ ବାଙ୍କବିହାରୀ ମନ୍ଦିରରେ ସାଧୁ ସନ୍ଥ ରାତିନୀତି ପରେ ହୋଲି ଖେଳିଛନ୍ତି । ଏଥିପାଇଁ ବୃନ୍ଦାବନରେ ଭବ୍ୟ ଆୟୋଜନ ହୋଇଥିଲା । ବିଭିନ୍ନ ମଠ ମନ୍ଦିରର ମହନ୍ତଙ୍କ ସମେତ ସାଧାରଣଭକ୍ତ ଓ ବିଦେଶୀ ପର୍ଯ୍ୟଟକ ମଧ୍ୟ ଏହି ହୋଲି ଖେଳରେ ସାମିଲ ହୋଇଥିଲେ । ଏହା ସହ କୃଷ୍ଣ ପ୍ରେମରେ ସମସ୍ତେ ମସଗୁଲ ହୋଇଥିଲେ । ପ୍ରତିବର୍ଷ ବୃନ୍ଦାବନରେ ହୋଲି ଉତ୍ସବକୁ ନେଇ  ବିଶାଲ କାର୍ଯ୍ୟକ୍ରମ ଆୟୋଜନ ହୋଇଥାଏ । ଏହି ହୋଲି ଖେଳରେ  ସାଧୁସନ୍ଥଙ୍କ ସହ ହଜାର ହଜାର ଭକ୍ତ ସାମିଲ ହୋଇଥାନ୍ତି ।