Watch Video: ଖାଦ୍ୟ ଲୋଭରେ ଆସି ଫସିଗଲା ବିଲେଇ

ପାଟନା: କୁହାଯାଏ, "ଅତି ଲୋଭେ ତନ୍ତୀ ମରେ"। ବିହାରର ବୈଶାଳୀରେ ଏହିଭଳି କିଛି ଘଟଣା ଘଟିଛି । ଏଠାରେ କୌଣସି ମଣିଷ ନୁହେଁ, ବରଂ ଲୋଭର ବଶବର୍ତ୍ତୀ ହୋଇଛି ଏକ ବିଲେଇ । ତେବେ ବୈଶାଳୀର ଲାଲଗଞ୍ଜରେ ଥିବା ଅଗରପୁରରେ ଏକ ବିଲେଇଟି କ୍ଷୀର ଥିବା ଲୋଭରେ ଏକ ବାସନରେ ମୁହଁ ପୁରାଇବା ପରେ ଆଉ ବାହାରିପାରିନି । ବିଲେଇର ସମ୍ପୂର୍ଣ୍ଣ ମୁଣ୍ଡ ସେହି ବାସନ ମଧ୍ୟରେ ଫସି ରହିଥିବା ଦେଖିବାକୁ ମିଳିଥିଲା । ଯାହାର ଭିଡିଓ କେହି ବ୍ୟକ୍ତି କଏଦ କରିଥିବାବେଳେ ମୋବାଇଲରୁ ମୋବାଇଲ ଘୁରି ବୁଲୁଛି । 

ତେବେ ଜୀବନ ବଞ୍ଚାଇବାକୁ ବିଲେଇଟି ଏପଟ ସେପଟ ହେବାରେ ଲାଗିଥିଲା । ବିଲେଇର ମୁଣ୍ଡ ବାସନ ମଧ୍ୟରେ ଫସି ରହିଥିବାବେଳେ ସେ ଦେଖିପାରୁନଥିବାରୁ କେଉଁଆଡେ ଯିବ ତାହା ମଧ୍ୟ ଜାଣିପାରୁନଥିଲା । ତଥାପି ଉଦ୍ଧାର ହେବା ଆଶାରେ ସେ ଅତି ଦୟନୀୟ ଅବସ୍ଥାରେ ଘୁରି ବୁଲୁଥିଲା । ତେବେ ଦୀର୍ଘ 1 ଘଣ୍ଟାର ସଂଘର୍ଷ ପରେ ଯଦିଓ ସେହି ଘରର ସଦସ୍ୟ ବିଲେଇର ମୁହଁକୁ ବାସନ ଭିତରୁ କୌଶଳକ୍ରମେ ବାହାର କରିଥିଲେ ତଥାପି ବିଲେଇଟିର ମୁହଁରେ ଆଘାତ ଲାଗିବାରୁ କ୍ଷତାକ୍ତ ହୋଇପଡିଥିଲା ।